2016 yilning 16-17 yanvar kunlari Rossiyaning Tyumen shahrida yunon-rim kurashi bo'yicha Gran-Pri turkumiga kiruvchi yirik xalqaro turnir o'tkaziladi.
Ushbu nufuzli musobaqada Vatanimiz sharafini Elmurat Tasmuradov (-59 kg), Danila Morozov (-66 kg), Nurbek Xolmuhammatov (-71 kg), Dilshodjon Turdiev (-75 kg), Jonibek Otabekov (-80 kg), Rustam Assakalov (-85 kg), Suhrob Fattoev (-98 kg), Jahongir Turdiev (-98 kg) va Mo'minjon Abdullaev (-130 kg) himoya qiladilar.
Murabbiylar tarkibi: Rustam Qudratov, Qahramon Ibragimov. Yana bir yurtdoshimiz G'ayrat Abdullaev ushbu turnirda hakamlar brigadasidan o'rin egallagan.
Xalqaro turnirning birinchi kuni -59 kg, -71 kg, -85 kg va 130 kg vazn toifalarida bellashuvlar o'tkazilsa, ikkinchi kungi bahslarda og'irlik vazni -66 kg, -75 kg, -80 kg hamda -98 kg bo'lgan polvonlar g'oliblik uchun kurash olib boradilar.
Hamyurtlarimizga bo'lajak bellashuvlarda ham omad va zafarlar tilab qolamiz. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.