“Bunyodkor” yanvar oyidagi uchinchi nazorat uchrashuvini “Buxoro” jamoasiga qarshi o'tkazdi.
Xuddi avvalgi uchrashuvlardagi kabi “qaldirg'ochlar” o'yinda ikki xil tarkib bilan ishtirok etishdi. Birinchi bo'limda bir muncha tajribali futbolchilar bilan qatorda yoshlar tarkibida o'zlarini ko'rsatib kelishayotgan yoshlar ham harakat qilishdi. Birinchi bo'lim o'rtalarida Shahzodbek Nurmatov raqib himoyachisi va darvozabonining qo'pol xatosini gol bilan jazoladi.
Ikkinchi taymda murabbiylarimiz ko'proq yosh futbolchilarga imkoniyat berishdi. Bu tarkibda harakat qilgan tajribaliroq futbolchilar Anvar Rajabov va Dilshod Jo'raev bittadan gol urishib, yakuniy natija 3:0 bo'lishini ta'minladilar.
Shu tariqa, “Bunyodkor” BAA safari oldidan rejalashtirilgan uchta nazorat uchrashuvini o'tkazishdi. Ularda “Qo'qon” 1:0, “Olmaliq” 2:1 va “Buxoro” 3:0 hisoblarida mag'lubiyatga uchratildi.
Nazorat uchrashuvi
“BUNYoDKOR” – “BUXORO” 3:0 (1:0)
Gollar: Shahzodbek Nurmatov 27 (1:0), Anvar Rajabov 58 (2:0), Dilshod Jo'raev 62 (3:0)
“Bunyodkor” (1-taym): Murodjon Zuhurov, Islom Qobilov, Aleksandr Alempievich, Rustamjon Ashurmatov, Dilshod Ahmadaliev, Akmal Shorahmedov, Javlon Ibrohimov, Sanjar Qodirqulov, Minori Sato, Bahodir Nasimov, Shahzodbek Nurmatov
“Bunyodkor” (2-taym): Akbar To'raev, Xurshid G'iyosov, Nodir Mavlonov, Rustamjon Ashurmatov, Ergash Ismoilov, Dilshod Jo'raev, Mirjamol Qosimov, Sardor Sobirxo'jaev, Javohir Esonqulov, Anvar Rajabov, Zabihillo O'rinboev
“Buxoro”: Muhiddin Xudoyorov, Bobur Omonov, Pavel Smolyachenko, Ruslan Melziddinov, Sahob Jo'raev, Salamat Quttiboev, Suxrob Ne'matov, Alisher Shog'ulomov, Ma'ruf Murodov, San'at Shixov, Islom Xoliqov
Hakamlar: Dmitriy Pislegin (Toshkent), Ruslan Serazetdinov (Toshkent), Rustam Tolibjonov (Qo'qon).
— deya xabar beradi uff.uz nashri.