O'zbekiston olimpiya terma jamoasi Osiyo chempionati guruh bosqichi doirasida Iroqqa qarshi kechadigan o'yinga tayyorgarlik ko'rmoqda.
Kecha terma jamoa murabbiylar shtabi futbolchilarga dam berishga qaror qilishdi. Shu sababga ko'ra kechki amaliy mashqlar o'rniga nazariy mashg'ulot o'tkazilishi ma'qul ko'rilgan. Asosiy e'tibor raqibni o'rganishga qaratilgan ko'rinadi. Shu sababli kecha murabbiylar shtabi nazariya bilan cheklandi.
Aynan shu sababga ko'ra jamoa mashg'ulotidan reportaj uyushtirishning imkoni bo'lmadi. Ammo terma jamoa bosh murabbiyi Samvel Babayan musobaqani yoritish uchun Dohaga kelgan OAV xodimlari iltimosiga ko'ra bugun futbolchilar bilan muloqot qilishga ruxsat bergan. Nasib qilsa mahalliy vaqt bilan soat 14.15 da futbolchilar bilan uchrashish va intervyular olishni rejalashtirganmiz.
PS: Rasmiy shaxslar tomonidan aniqlik kiritilishicha, bir oy oldin ishlab chiqishga uslubga ko'ra o'yinning ertasi kuni futbolchilarga dam beriladi. Shu sababli kechagi mashg'ulotlar o'tkazilmagan. Zafar QOSIMOV, Doha
Uff.uz uchun maxsus
— deya xabar beradi uff.uz nashri.