2015 yil ham tabiiyki, mamlakatimiz futbol ishqibozlariga ko'plab hayajonli daqiqalarni baxsh etdi. Esingizda bo'lsa, gazetamizning avvalgi sonlaridan birida har oyning bittadan eng yorqin voqeligi xususida yozgan edik. Bugun esa e'tiboringizga Sports.uz internet-portali talqinidagi esda qolarli voqealarni (top-5 shaklida) havola etamiz. Xo'sh, ko'raylikchi, sayt xodimlari qaysi voqealarni tanlashgan?
Osiyo kubogidagi ishtirok
2015 yil boshida, aniqrog'i, yanvar oyida Mirjalol Qosimov boshchiligidagi milliy jamoamiz Avstraliyada o'tgan Osiyo kubogi final bosqichida ishtirok etdi. Tabiiyki, jamoamiz oldiga turnir medallaridan birini qo'lga kiritish vazifasi qo'yilgandi. Musobaqa biz uchun KXDR termasiga qarshi kechgan juda og'ir o'yin bilan boshlandi. Keyin Xitoy milliy jamoasi bilan bahsda kutilmagan mag'lubiyat qabul qilib olindi. Guruh bosqichidagi so'nggi o'yinda Saudiya Arabistoni termasi mag'lub etildi.
Ammo baxtga qarshi,  «pley-off»ning birinchi bosqichidayoq bizni kuchli raqib - Janubiy Koreya termasi qarshi oldi. Koreyslar bilan eski «hisob-kitobi»miz borligi uchun barchamiz uchrashuvni katta hayajon ostida kuzatdik. Unda vakillarimiz himoyaga asoslangan tartibli o'yin ko'rsatishdi, ammo afsuski, omad biznikilardan yaqqol yuz o'girdi. Ehtimol, Lutfulla To'raev o'yin oxirlaridagi ajoyib imkoniyatdan oqilona foydalanganida, hammasi umuman boshqacha davom etarmidi? Biroq tarix hech qachon bizning xohishimizga itoat etmaydi. Shuning uchun yaxshisi, o'sha alamli damlarni eslamay qo'ya qolamiz.
OChLdagi tanazzul
OFK tasarrufidagi eng qiziqarli musobaqalardan biri - Chempionlar Ligasining 2015 yilgi mavsumi klublarimiz uchun o'ta omadsiz kechdi. Axir 4ta klubimizdan hech biri turnirning guruh bosqichidan nariga o'ta olmadi. Albatta, buning o'ziga xos sabablari ko'p, lekin ular endi biror-bir kamchilikni yopish uchun xizmat qilmasligi lozim. «Bunyodkor»ning mazkur turnirda 2 marta yarim finalgacha etib borgani hali ko'pchilikning yodida, ammo o'tgan yili... Umumiy olib qarasak, «Paxtakor»ga etakchi o'yinchilarning jarohati pand berdi. «Bunyodkor» esa o'zi boshlagan islohotlar qurboniga aylandi. «Lokomotiv»ga xalqaro maydonlardagi tajriba etishmagan bo'lsa, «Nasaf» hal qiluvchi lahzalarda noxolis hakamlikdan jabr chekdi.
Davomi InterFUTBOL gazetasi blogida.
— deya xabar beradi uff.uz nashri.