“Bavariya” klubi bosh murabbiyi Pep Gvardiola joriy mavsum yakunida “myunxenliklar” safini tark etishi endi hech kimga sir emas. Ispaniyalik mutaxassis o'z o'rnini Karlo Anchelottiga bo'shatib beradigan bo'ldi. Gvardiola “Bavariya”dan ketishga qaror qilganidan so'ng, ko'pchilik futbol mutaxassislari uni Angliya chempionatiga o'tishini tahmin qilishdi.
Gvardiola Manchester shahrining bir yo'la ikki klubi qiziqish doirasiga tushib qoldi. Ular orasida “Manchester Siti” faollik ko'rsatib, Gvardiolani o'ziga chorlash uchun uni eng ko'p maosh oluvchi murabbiyga aylantirishga tayyor ekanini ma'lum qildi. Gvardiolaning “shaharliklar” ustoziga aylanishini deyarli aniq bo'lgan bir vaqtda, ispaniyalik mutaxassis Myunxendagi faoliyati yakunlagach, tanaffus olishini va Angliya chempionatida ikki yildan so'ng ish boshlashi mumkinligini aytib o'tdi. Gvardiolaning bunday qarorga kelishi nima bilan bog'liq ekanini bugungi sahifamizda tahlil qilishga urinib ko'ramiz.
1. Angliya Premer-ligasidagi raqobat
Angliya Premer-ligasi Evropa top-5 chempionatlari orasida eng kuchlisi bo'lmasligi mumkin, ammo, ushbu chempionat kutilmagan natijalar va raqobatga boy ekanini hech kim inkor qila olmaydi. Ushbu birinchilikda autsayder va o'rtamiyona jamoalar top-klublarni tez-tez mag'lub etishining guvohi bo'lib turamiz. Angliya chempionatida oltin medallar uchun kurash so'nggi turgacha, ba'zida esa so'nggi soniyalargacha davom etadi. Bunga 2011/12 hamda 2013/14 yilgi mavsumlar yaqqol misol bo'la oladi.
Davomi Zohid Akramov blogida.
— deya xabar beradi uff.uz nashri.