14 yanvar kuni “D” guruhidagi ikki o'yin bilan U-23 Osiyo chempionati guruh bosqichining dastlabki tur o'yinlariga yakun yasaldi.
Birinchi turning so'nggi uchrashuvlarida Iordaniya olimpiya terma jamoasi Vetnam ustidan 3:1 hisobida g'alaba qozongan bo'lsa, Avstraliya 0:1 hisobida Birlashgan Arab Amirliklari olimpiyachilariga mag'lub bo'ldi.
Eslatib o'tamiz, birichi turda O'zbekiston olimpiya terma jamoasi Janbuiy Koreyaga qarshi o'yin o'tkazib, 1:2 hisobida mag'lub bo'lgandi. O'yinda Mun Chang Jin kiritgan ikki golga Doston Hamdamov bir bora javob qaytardi. Aynan mana shu o'yin yakunlangach, Hamdamovga "2015 yilda Osiyoning eng yaxshi yosh futbolchisi" sovrini topshirildi.
Bugun Toshkent vaqti bilan 18:30da Suriya-Xitoy o'yini bilan Osiyo chempionati guruh bosqichining ikkinchi tur o'yinlari start oladi. Bu turda Samvel Babayan boshchiligidagi O'zbekiston olimpiya terma jamoasiga Iroq qarshilik qiladi. Ushbu uchrashuv 16 yanvar, Toshkent vaqti bilan 21:30da boshlanadi.
Ma'lumot uchun, ushbu turdagi barcha o'yinlar natijasi va guruhlarda yuzaga kelgan vaziyat bilan saytimizning “Turnirlar” bo'limidagi “U-23 Osiyo chempionati” uchun ochilgan maxsus sahifa orqali tanishib olishingiz mumkin.
— deya xabar beradi uff.uz nashri.