“Barselona” – omadli klub. Jahon futbolidagi ikki eng yaxshi o'yinchiga ega bo'lish – haqiqiy sharaf, ham omad, ham imtiyoz. Ushbu imtiyoz ko'k-anor ranglilarning futbol olami elitasida shohsupadagi o'rnini mislsiz mustahkamladi. Bu “Barsa”ning futbol jamoasi mavjud zamonlardan beri eng yaxshisi, deya ko'plar tomonidan tasdiqlanadi.
Ronaldino va Leo Messi so'nggi o'n yil mobaynida olti bor dunyoning eng yaxshi o'yinchisi unvoniga sazovor bo'lishdi. Ajoyib yutuq, ayniqsa bu unvon ko'k-anor ranglilar tarkibida qo'lga kiritilgani hisobga olinsa. Ronaldino kataloniyaliklar hukmronligi davrini boshlab berdi, Messi esa “Barsa”ni hozirgi vaqtda bo'lganidek to'xtatib bo'lmas kuchli klub darajasiga etkazdi.
Ronaldino kalitni buradi va mashina dvigatelini ishga tushirdi, Messi esa bu mashina bilan ko'plab to'siq va burilishlardan o'tdi. “Barselona”ni yuz yillikning eng yaxshi klubi deb atash mumkin bo'lsa, bunda ikki Janubiy amerikaliklarning hissasi juda katta. Hech bir jamoa Kataloniya giganti natijalariga uzoq vaqt mobaynida yaqin kelolmaydi, deb ishonch bilan aytish mumkin, “Barsa”ning ustunligi shu darajada real.
Bir era boshqasining o'rnini egalladi – o'tgan o'n yillik ushbu klassik misol bilan tavsiflanadi. Ronaldino muvaffaqiyatli erasi Lionel Messining yanada omadli erasiga almashdi. Bu ikki o'tish davri omadli va chiroyli kechgandi. Albatta, kataloniyaliklarning yangi tarixi ushbu asosiy ikki qahramonisiz ham chiroyli bo'lishiga shubha qilmasa bo'ladi.
Bu erda, Ronaldino qanday qilib Messi uchun mukammal yo'ldosh bo'lgani va “Barsa”ga mustahkam poydevor qo'ygani borasida besh omilni ko'rsatib o'tamiz.
1. Iliq kutib olish
Ikki mingginchi yilning o'rtalarida Messi yoshlar jamoasi tarkibida harakat qilardi, bu vaqtda esa Ronaldino klub timsoli bo'lgan va hammaning sevimli o'yinchisiga aylangandi. Yil o'yinchisi mukofoti va Chempionlar Ligasi 2005/06 mavsumidagi g'oliblik er shari braziliyalik futbolchi oyoqlari ostida ekanligining isboti edi. Lionel Messi bu davrda yosh va istiqbolli, shuningdek, o'ziga qattiq ishongan klub tarbiyalanuvchisi edi.
Katta klubga o'tish va faoliyatidagi keyingi qadamni qo'yish uchun vaqt kelganda Ronaldino echinish xonasida Leoni o'zining oldidagi qo'shni shkafga o'tishiga chaqirdi. Buni Messi quyidagicha eslaydi: ““Barselona B”dan kelgan futbolchilar chetda o'tirgan edi. Kiyinish xonasi U harfi shaklida edi va biz old tarafda o'tirdik. Bu vaqtda menga klubning asosiy futbolchilari tarafiga o'tishim kerakligi aytildi. Bu men uchun katta sharaf edi va buni Ronaldino xohlagani uchun ham, lekin jamoaning qolgan a'zolari va men o'zimizni juda qulay his qildik”.
O'sha davrning eng buyuk futbolchilaridan biri bilan bir qatorda kiyim almashtirish Messiga kuchli ta'sir ko'rsatdi. Iliq qarshi olish argentinalikni yuksak marralarga olib keldi.
2. Eng yaxshilarning e'tibori
Ronaldino va Deko kabi o'yinchilarning hurmat-e'tiborini qozonish – o'smir yigit uchun oson vazifa emas. Argentinalik futbolchining asosiy jamoadagi karerasi bo'sag'asida jamoadagi etakchi iste'dodlarning qo'llab quvvatlash jarayoni bo'ldi. U olgan motivatsiya, zamonamizning eng yaxshi futbolchisiga aylanishida sanoqsiz sabablardan biri bo'ldi.
“Kiyinish xonasidagi bir shkafni hech kim band qilmagandi. Deko va Motta xonaning shu qismida o'tirgan edi va yonlaridagi o'sha shkaf o'rindig'iga meni o'tqazishdi. Avvaliga rozi bo'lmadim, lekin, Ronaldino turib oldi. Ular meni yaxshi qarshi olishdi, buning uchun ulardan minnatdorman”.
Albatta, argentinalik o'ziga berilgan bu joyni tizzasida titroq bilan qabul qildi. Ronaldino va Deko kabi yulduzlar unga katta futbolga moslashishda yordam berishdi.
3. Do'stlikning boshlanishi
Ronaldino va Messining do'stligi yaxshi hujjatlashtirilgan. Bunda 2008 yilgi Olimpiada o'yinlari yarim finalida ularning so'nggi xayrlashuv quchoqlashishi darhol ko'z oldiga keladi. Bu surat Olimpiada o'yinlari tarixida umrbod qolishi aniq.
Ronaldino 2008 yilda klubni tark etdi va Lionel faoliyatidagi muvaffaqiyat uchun ulkan meros qoldirdi.
Ronaldino Messi haqida shunday deydi: “U juda og'ir va oddiy bir yigit. Biz kiyinish xonasida yonma-yon o'tirardik va bizda haqiqiy do'stlik barpo etish imkoniyati bo'lgan edi. U shunchaki buyuk futbolchi”.
Oralarida etti yosh farq bo'lsa-da, Ronaldinoning yosh argentinalikga bo'lgan munosabati Messi karerasidagi boshlang'ich nuqtasi bo'ldi.
4. Estafeta tayog'ini berish
Har doim ham muvaffaqiyatli bir era boshqa bir shunday omadli eraga almasha olmaydi, lekin, Messi Ronaldinoga qaraganda noyob futbolchi bo'lib chiqdi. Braziliyalik “sehrgar” Leo o'yini porlashida o'z ta'sirini ko'rsatdi, o'z navbatida esa Messi o'qituvchisidan o'zib ketdi.
Ronaldino ketishidan oldin Leo 30 va 19 raqamli futbolkalarda harakat qilgan, bu jahon futboli nuqtayi nazarida uncha muhim emas. Keyinchalik Messi 10 raqamni oldi, bu Ronaldinodan o'ziga xos meros, braziliyalik futbolchi undan keyin qoladigan voris u ekanligi haqida tushuncha bergan edi.
“Jamoani tark etishidan bir necha oy avval Ronaldino mening yonimga keldi va uning raqamini men olishim kerakligini aytdi”, - deydi argentinalik. Sodda qilib aytganda, Ronaldino dunyoning eng yaxshisi bo'lishi uchun Messiga estafetani uzatdi va u bu ishni bajardi.
5. O'zaro hurmat
O'zaro hurmat qiymati hozirgi futbolda pul bilan o'lchanmaydigan tuyg'u hisoblanadi. Messi va Ronaldinoda o'zaro hurmat bilan bo'lgan munosabatlar “Barsa” tarixida ikki futbolchi muvaffaqiyatli davrining muhrlanishiga yordam berdi.
Ronaldino Messi uchun poydevor qurdi va uni baland cho'qqi tomon etakladi. Messi – dunyoning eng kuchli futbolchisi ekanligi haqiqat, lekin, unda braziliyalik murabbiyining hissasi katta hisoblanadi. Ehtimol, Ronaldinosiz Messi hozirgidek nufuzli va afsonaviy futbolchi bo'la olmas edi.
Arabguzari nikli muxlisimiz tayyorladi
— deya xabar beradi uff.uz nashri.