Kievning “Dinamo” klubi hujumchisi Andrey Yarmolenko Dortmundning “Borussiya” jamoasi rahbariyatining qiziqishlari doirasida bo'lib turibdi. Bild nashrining ma'lumotiga ko'ra, nemis klubi qishki transferlar mavsumi vaqtida 26 yoshli futbolchini xarid qilmoqchi. “Dinamo” Ukraina terma jamoasi a'zosi uchun 30 million evro talab qilishi kutilmoqda. Eslatib o'tamiz, o'tgan yozda “Borussiya” Yarmolenko uchun 20 million evrodan voz kechishga tayyor edi, lekin kievliklar prezidenti Igor Surkis o'yinchini sotishdan bosh tortgandi.
— deya xabar beradi uff.uz nashri.