Yangi mavsumga tayyorgarlikni Qo'qonda davom ettirayotgan Muhiddin Abduvaliev boshchiligidagi “Qo'qon-1912” jamoasi o'rinbosarlari ertaga nazorat uchrashuvini o'tkazishadi. “Qo'qon-1912” o'rinbosarlarining 2016 yildagi dastlabki raqibi – birinchi liga vakili “Yozyovon lochinlari” bo'ladi. Mazkur uchrashuv “Kimyogar” (sobiq “Ximki”) stadionida soat 12:00da boshlanadi. Ushbu o'yin orqali murabbiylarimiz yana bir marta ko'rikda bo'lib turgan futbolchilarni sinovdan o'tkazishadi. Eslatib o'tamiz, o'rinbosarlar ham, “Yozyovon lochinlari” jamoasi ham 29 yanvar kuni start oladigan “Viloyat hokimi kubogi-2016”da ishtirok etadi.
— deya xabar beradi uff.uz nashri.