"Navbahor" yoshlari ham mavsumga qizg'in tarzda hozirlik ko'rishmoqda.
Durbek Umaraliev, Mustafo Bayramov va Sherzod Jo'raev kabi murabbiylar qo'l ostida bugungi kunda 25 nafar futbolchi shug'ullanmoqda.
Murabbiylar mashg'ulotlar chog'ida bir qator iqtidorli yoshlarni ham sinovdan o'tkazishmoqda. Ishonchni oqlagan yoshlar esa yangi mavsumda “Navbahor” libosida maydonga tushish huquqiga ega bo'ladilar. Yoshlar jamoamiz murabbiylari ham mashg'ulotlar davomida asosiy e'tiborni jismoniy quvvatni mustahkamlovchi mashqlarga qaratishmoqda. Shu bilan birgalikda nazorat o'yinlarini o'tkazish ham rejalashtirilgan.
Yoshlarimiz mavsumlar oralig'idagi dastlabki uchrashuvni ertaga o'tkazishadi. Yosh “navbahor”chilar Norinda birinchi liganing yangi vakili “Norin” jamoasi bilan kuch sinashishadi. Ikkinchi uchrashuvni esa 23 yanvarda o'tkazish ko'zda tutilgan. Futbolchilarimizning ikkinchi o'yindagi raqibi nomiga hozircha aniqlik kiritilganicha yo'q. Ayni paytda bu borada muzokaralar davom etmoqda.
— deya xabar beradi uff.uz nashri.