Ayni damda Qatar poytaxti Doxa shahrida davom etayotgan U-23 yoshlar o'rtasidagi Osiyo chempionatida ishlayotgan hakamlar uchun 8-11 yanvar kunlari OFK maxsus seminar tashkil etdi.
Musobaqada faoliyat yuritadigan hakamlar mazkur seminar davomida ham amaliy, ham nazariy darslarda ishtirok etishdi. Maydondagi mashqlardan tashqari, hakamlar nazariy mashg'ulotlar davomida maydonda sodir bo'ladigan ayrim bahsli vaziyatlarni ko'rib chiqishdi va bu borada kerakli qo'llanmalarga ega bo'lishdi. Jumladan, qo'l bilan sodir bo'ladigan follar, penalti, sariq va qizil kartochka ko'rsatilgan vaziyatlar ko'rib chiqildi.
Ta'kdlash joiz, musobaqada ishtirok etadigan jami 15 nafar hakam va 18 nafar hakam yordamchilari seminar davomida jismoniy testlar ham topshirishdi.
Eslatib o'tamiz, mazkur musobaqa o'yinlarini boshqarib borish uchun o'zbekistonlik Ilgiz Tantashev hamda laynsmen Jahongir Saidov taklif etilishgan.
Mazkur seminarga quyidagi OFK nazoratchi hakamlari instruktorlik qilishdi:
Ali al Traifi (Saudiya Arabistoni)
Mohd Subhiddin Solih (Malayziya)
Ismoil Al Hafi (Iordaniya)
Farhod Abdullaev (O'zbekiston)
Charlz Chong (Gonkong)
Fitness instruktorlar:
Ganesan Manyam (Singapur)
Ravi Chappanimutu (Malayziya).
— deya xabar beradi uff.uz nashri.