Mavsum-2015 kashfiyotlaridan biri sifatida e'tirof etilgan 23 yoshli yarim himoyachi Otabek Zokirov yangi mavsumni “Qo'qon-1912” jamoasi safida o'tkazadi. Yaqinda klub va futbolchi o'rtasida shartnoma imzolandi. Ayni damda Zokirov jamoamizning Toshkentdagi yig'inida ishtirok etmoqda. U kecha “Metallurg”ga qarshi kechgan nazorat uchrashuvida maydonga tushdi.
Marg'ilon futbol maktabi tarbiyalanuvchisi sanalgan Otabek Zokirov 1992 yilning 11 oktyabr sanasida tavallud topgan.
Futbolchilik faoliyatining asosiy qismini Farg'onaning “Neftchi” jamoasida o'tkazgan.
2013 yili Yoshlar ligasi to'purarlaridan biriga aylangan. 2014 yildan e'tiboran “Neftchi”ning asosiy tarkibida o'ynay boshlagan.
2015 yilni esa Samarqandning “Dinamo” jamoasi tarkibida o'tkazdi. O'tgan mavsum yakunlariga ko'ra, Otabek Zokirov 30 ta uchrashuvda maydonga tushdi.
Bu o'yinlarda 23 yoshli futbolchi raqiblar darvozasini to'rt marta aniq nishonga oldi. Otabek Zokirov “Qizilqum”, “Neftchi”, “So'g'diyona” va “Andijon” jamoalari posbonlarini dog'da qoldirgan.
Ikki marta hakamlar tomonidan ogohlantirilgan.
Bizning ma'lumot:
To'liq ismi: Otabek Zokirov
Tug'ilgan sana: 11 oktyabr 1992 yil O'ynagan jamoalari:
2012-2014 – “Neftchi”
2015 – “Dinamo”
2016 – “Qo'qon-1912”
— deya xabar beradi uff.uz nashri.