Yangi mavsumda Malayziya Superligasida bir nechta o'zbekistonlik futbolchilar to'p suradiganga o'xshaydi. Zero o'zbek transfer bozoriga qiziqib qolgan malayziyaliklar birin-ketin Oliy Ligada o'ynayotgan o'yinchilarni safga qo'shib olishmoqda.
Yangi yil bayrami oldidan tajribali hujumchi Vohid Shodiev “Perak” jamoasi safiga borib qo'shilgandi. So'ngra mahoratli yarim himoyachi Lutfulla To'raev ham Malayziyaga yo'l oldi va “Felda Yunayted” klubi bilan bir yilga mo'ljallangan shartnoma imzoladi. Bugun esa Oybek Qilichev ham Vohid Shodievning jamoadoshiga aylandi va “Perak” bilan shartnoma tuzdi.
Qiziq jihati shundaki, Malayziyada yangi mavsum hali start olmagani bois kecha “Perak” “PKNS” klubi bilan o'rtoqlik o'yini o'tkazdi. Mazkur bahsda Oybek Qilichev ham ilk bor yangi jamoasi safida maydonga tushdi. Raqib klub – “PKNS” tarkibida esa o'tgan yili “Dinamo”da o'ynagan hujumchi Kamoliddin Murzoev harakat qildi.
Davomi Sports.Uz blogida.
— deya xabar beradi uff.uz nashri.