Bugun Qatar davlatida davom etayotgan Yoshlar o'rtasida Osiyo chempionatining guruh bosqich 2-tur uchrashuvlari davom ettiriladi. "S" guruhidan o'rin olgan O'zbekiston olimpiya terma jamoasi Iroq yoshlariga qarshi maydonga chiqadi.
Dastlabki o'yindagi mag'lubiyat ko'pchilikning xafsalasini pir qilagini tabiiydir. Shu bilan birga, ana o'sha ko'pchilik Janubiy Koreyaga qarshi o'yinga ko'z yumishga rozi bo'ldi. Birinch o'yinda, futbolchilar moslasha olishmagan. Tushinamiz?! Bugun esa vaziyat umuman boshqacha. O'zbekiston g'alaba qozonishi shart bo'ladi. Aks holda uyga qaytishimizga to'g'ri keladi. Yamanga qarshi shunchaki, rasmiyatchilik uchun maydonga chiqamiz. Ha, bugun O'zbekiston yuta olmasa murabbiylar shtabining aybi bo'ladi. Ular ishlamagan bo'lib chiqishadi. Aybdorlar safiga futbolchilardan ayrimlarni ham bemalol kiritish mumkin bo'ladi. Chunki, O'zbekiston futbol federatsiyasi mana shu terma uchun barcha sharoitlarni muhayyo qilib bergan. Mirabror Usmonovning ijobiy natija kutishga haqqi bor, albatta. Shu jumladan biz ham. Umid qilamiz, futbolchilar nihoyat qaysi mamlakat sha'nini himoya qilishayotganliklarini his qilishadi va bugun oriyat uchun maydonga chiqishadi. Yashirmaymiz, Iroqda pasport tizimi unchalik ham ravon ishlamaydi va bugun bizga qarshi yoshi katta futbolchilar maydonga chiqaishi ham mumkin. Bu holatdan ko'z yumib bo'lmaydi. Iroqning jismoniy ko'rsatkichlari biznikidan kam bo'lmasligi aniq. Shunday ekan, bugun hammasini hisobga olish kerak. O'zi, murabbiyning mahorati ham shunda. U ziyrak bo'lishi kerak. Tanqid to'g'ri qabul qilinadi, degan umidda bugungi o'yinlar anonsini eslatib o'tamiz: 16.01.2016 18.30 B Tayland - Yaponiya 21.30 B KXDR - Saudiya Arabistoni 18.30 C Yaman - Janubiy Koreya 21.30 C O'zbekiston - Iroq
— deya xabar beradi uff.uz nashri.