O'zbekiston olimpiya terma jamoasi kecha mashg'ulot o'tadi. Ushbu mashg'ulot Iroqqa qarshi kechadigan o'yin oldidan so'nggisi va... shu bilan birga birinchisi ham bo'ldi. Gap shundaki, bir oy oldin murabbiylar shtabi tomonidan ishlab chiqilgan uslubga ko'ra terma jamoaga o'yinning ertasi kuni dam olishga imkon berildi. Shu sababli Janubiy Koreyaga qarshi kechgan o'yinning ertasiga mashg'ulot o'talmadi.
Shu tariqa Samvel Babayanda avvalgi o'yindagi xatolarni bartaraf etish uchun bittagina mashg'ulot bor edi. Ushbu mashg'ulotni kuzatib borish uchun biz ham Dohaning chekka xududlarida barpo etilgan "Texnikal Komite" mashg'ulotlar bazasiga tashrif buyurdik.
Unga qadar esa O'zbekiston olimpiya terma jamoasi joylashgan "Renessans" mehmonxonasida ham bo'lib, terma jamoa a'zolari bilan uchrashib, suhbatlashib oldik. Uchrashuv davomida shunga guvoh bo'ldikki, terma jamoadagi ichki muhit ancha yaxshi, kayfiyatlar joyida. Ammo shu bilan birga o'yin oldidan kichik hayajonni ham sezib olish qiyin emas. Bunday vaqtda hamma ham hayajonlanishi turgan gap. Chunki Iroqqa qarshi kechadigan o'yinning zalvori juda og'ir.
Terma jamoa uchun yaratilgan sharoitlarga esa hech qanday e'tiroz bo'lishi mumkin emas. Qatar OFK musobaqa bo'yicha OFK tomonidan qo'yilgan barcha talablarni bajargan. Hatto oshig'i bilan. Futbolchilarimiz yashayotgan shinam sharoitlarni ko'rib, ochig'i havasimiz keldi. Umid qilamizki, biz ham fevralda bo'lib o'tadigan futzal musobaqasini yaxshi saviyada tashkil eta olamiz.
O'zbekiston olimpiya terma jamoasi kechki mashg'ulot davomida bir qancha o'yin uslublarini sinovdan o'tkazdi. Samvel Babayan eng avvalo futbolchilardan 5-6 uzatma yordamida tezkor hujumga o'tib ketishni talab qildi. Shuningdek uzoqdan beriladigan zarbalarga ham alohida urg'u berildi. Aftidan O'zbekiston olimpiya terma jamoasi Iroqqa qarshi hujumkor o'yin namoyish etsa kerak.
Samvel BABAYaN
Iroqqa qarshi kechadigan o'yin haqida
Iroq - arab jamoasi. Hamma arablarda bo'lganidek ular ham uchrashuv boshida juda kuchli o'ynaydilar. Mana shunday vaqtda ularga to'pni berib qo'ymaslik kerak. Biz imkon qadar mana shu vazifani bajarishga harakat qilamiz. Agar raqib o'yin boshida bosim o'tkazishning uddasidan chiqa olmasa, o'zi kuchli bosim ostida qoladi. Biz mana shundayn foydalanishga harakat qilamiz. Zafar QOSIMOV, Doha
Uff.uz uchun maxsus "Sport" telekanali sharhlovchisi Davron Fayziev intervyuni kutish vaqtida. Ish jarayonidagi muhokama Tushlik ustida. Yaratilgan sharoitlar a'lo darajada Doston Hamdamov. Nasib qilsa bunday sovrinlardan yana oladi... Gol o'tkazilgan vaziyat Gol o'tkazilmagan vaziyat. Umid qilamizki, Iroqqa qarshi o'yinda raqibning birorta zarbasi o'tkazilmaydi.
— deya xabar beradi uff.uz nashri.