Angliya chempionatining 22-turidan o'rin olgan "Chelsi" – "Everton" uchrashuvi o'z nihoyasiga etdi. Unda jamoalar murosa ko'chasini tanlashdi. Dastlabki bo'limda darvozalar daxlsiz qolgan bo'lsa, ikkinchi bo'lim gollarga boy chiqdi. Dastavval o'yinning 50-daqiqasida Terrining avtogoli “Everton“ni hisobda oldinga olib chiqqan bo'lsa, oradan olti daqiqa o'tgach Miralyas hisobni 0:2 ko'rinishga olib keldi. Ammo, “Chesli“ ikki daqiqa ichida o'yinga qaytishga muvaffaq bo'ldi. 64-daqiqada Diego Kosta farqni qisqartirgan bo'lsa, ikki daqiqa o'tgach Fabregas muvozanatni tikladi – 2:2. Bu ham hali hammasi emas edi. Ikkinchi bo'limga qo'shib berilgan vaqtning ilk daqiqalarida Funes Mori Kurtua qo'rqlayotgan darvoza to'rtiga uchinchi to'pni kiritishga muvaffaq bo'ldi. Final hushtagidan bir necha soniyalar oldin Jon Terri o'z xatosini tuzatib, yakuniy – 3:3 natijasini o'rnatdi. Shu tariqa, “Chelsi“ o'z maydonida “Everton” bilan jangovar durang qayd etdi. Angliya chempionati, 22-tur Chelsi – Everton 3:3 (0:0, 3:3)
Gollar: 0:1 – 50, avtogol Terri, 0:2 – 56 Miralyas, 1:2 – 64 Diego Kosta, 2:2 – 66 Fabregas, 2:3 – 90 Funes Mori, 3:3 – 90 Terri.
Chelsi – Kurtua, Zuma, Aspilikueta, Ivanovich, Terri, Matich (Oskar, 55), Obi Mikel, Fabregas, Villian, Pedro (Kenedi, 66), Diego Kosta (Remi, 80).
Everton – Xovard, Stounz, Beyns, Ovedo (Funes Mori, 71), Djagelka, Barkli (Pienar, 81), Beshich, Lennon (Deulofeu, 80), Berri, Miralyas, Lukaku.
Ogohlantirishlar: Funes Mori (90), Terri (90).
— deya xabar beradi uff.uz nashri.