O'zbekiston olimpiya terma jamoasining Osiyo chempionati guruh bosqichi ikkinchi turida Iroqqa qarshi maydonga tushadigan tarkibi ma'lum bo'ldi. Unga ko'ra Samvel Babayan tarkibda ikkita o'zgarish qilishga qaror qilgan.
Eng katta o'zgarish - markaziy himoyada Maksimilian Fomin o'rniga Javlon Mirabdullaev tushirilgani bo'ldi. Shuningdek o'tgan uchrashuvda qizil kartochka olib, ushbu uchrashuvda ishtirok etish huquqidan mahrum bo'lgan Jamshid Boltaboevning o'rnini Sardor Rahmonov egalladi.
Osiyo chempionati
O'zbekiston U-23 - Iroq U-23 - 2:2 (birinchi bo'lim)
Gol: Doston Hamdamov 1 Temur Hakimov, 83 - Amjad Atvan 27, Mahdi Komil 42
O'zbekiston U-23: Abdumavlon Abdujalilov, Sardor Rahmonov, Javlon Mirabdullaev, Akrom Komilov, Vladimir Kozak, Javohir Sohibov, Otabek Shukurov, Jamshid Iskanderov, Doston Hamdamov, Eldor Shomurodov, Igor Sergeev.
Iroq U-23: Fahad Tolib, Hamza Adnan, Mustafo Madhim Al-Shabboni (s), Ali Fayz Atiyah, Muhammad Abdulrahim Karrar, Mahdi Komil Shiltagh, Ali Husni Faysal, Humam Tariq Faraj, Safaa Jabbor Farhan, Amjed Attvan Kadhim, Ali Qosim Hamid
0' Demak boshladik. Siz bilan uchrashuvni Dohadan Zafar Qosimov va Toshkentdan Xayrulla Hamidov birgalikda kuzatib boradilar. Ushbu sahifa orqali o'yin va uning atrofidagi voqea va tafsilotlar bilan tanishib borishingiz mumkin.
0' Ayni daqiqalarda har ikki jamoa maydonga chiqib kelishi kutilmoqda. Biz ham kutyapmiz...
0' Iltimos o'rningizdan turing, Madhiyamiz yangramoqda...
0' Qo'llarni patir-putur urayotgan yurak ustiga qo'yib Madhiyamizni ham tinglab oldik. Endi navbat bahsga. Darvoqe, fan-klublar bahsida biznikilar oldinda, Abdurahmon Fozilovning "krichalkalari" va "orkestr"ning navolarini siz ham televizordan eshitayotgan bo'lsangiz kerak.
1' Boshladik va gol urdik. Keldik, ko'rdik, gol urdik!!! GOOOLL!!!
1' Yana ko'k libosdamiz. Aynan shu libos egalari o'yinni boshlashdi va goooool. Dostonbek Hamdamooovv! lOsiyoning eng yaxshi yosh futbolchisi bo'lsa, shunday bo'lsin!
3. O'yinning boshida urilgan gol ikki tomonni hujumga o'tib ketishiga sabab bo'ldi. Markaz umuman ko'rinmayapti... Qoyil...
7. Eldor Shomurodov o'ng qanotdan o'tib borishga urinib ko'rdi. Urinish ikki himoyachi tomonidan bartaraf etildi.
7. Terma jamoamizda ham, olimpiyachilarimizda ham o'yinning ilk soniyalarida gol urish odatini ko'ryapmiz... Yigitlar, shu odatni ko'paytiringlar, bizga yoqyapti.
8. Asosiy hujumlar yana o'ng qanotdan uyushtirilmoqda. Bu raqibning ushbu qanoti kuchsizligidan emas, ko'proq o'zimizning shu qanotimiz yaxshiligidan...
9. Iroq terma jamoasi chap qanot vakillari tomonidan marraga etish niyatida... Xushyorlik talab etiladi o'ng qanot himoyachilarimizdan. Babayan esa sal bo'lmasa maydonga chiqib ketar darajada ko'rsatmalar bermoqda.
11. Doston har bir o'yinda bir yigitning qo'lidan keladigan ishni amalga oshirmoqda. Endi uning sheriklaridan uning mehnatlarini yuzaga chiqarishlarini so'rardik. Yarim himoyani kuchaytirishimiz zarur, o'rtada imkoniyatlar boy berilmoqda...
13. Javohir Sohibovdan ham umidimiz ko'p. U o'yinning dastlabki soniyalaridan ancha harakat qilmoqda... Shukurovning uzoqdan yo'llagan zarbasi esa darvozabonga hech qanday qiyinchilik tug'dirmadi.
14. O'yinning borishi ancha tenglashdi. Bunday vaziyatda hakamlar "qovun" tushirishmasa bo'ldi. Bizga yon bosmasalar ham mayli, raqiblarning foydasiga ishlamasalar bo'lgani...
16. Olimpiyachilarimizning navbatdagi hujumi yana chapdan ketayotgan edi, iroqliklar bu safar yaxshi qarshilik ko'rsatishdi. Chap bo'lmasa, o'ngga o'tish kerak, yigitlar! Hadeb "chap"ga yuraverasizlarmi:)
17. O'ng qanotdan hamon keta olmayapmiz. Mana shunaqa vaqtda hek kim kutmay turganda chapdan bitta hujum qilsang bormi...
20. Uzoq qilingan "oldi-berdi"dan so'ng nihoyat Eldor Shomurodov uzoqdan zarba berishga qaror qildi. Zarba ancha noaniq va kuchsiz...
22. Iskanderov ham yaxshi hujum tashkil qilsa bo'lardi. To'xtatib qolishdi uni. Jarima to'pi! Jarimadan Doston bergan zarba sal bo'lmasa gol bo'lib ketishi mumkin edi. Darvozabon kutmagan holda to'p bir narsalar qilib darvozaga kirib ketishiga bir bahya qoldi, burchak to'pi esa takror va takror tepilmoqda.
23. Sardor Rahmonov ham uzoq masofadan juda noqulay zarba yo'lladi. Agar to'g'ri borganda darvozabon qaytara olmay qolarmidi...
25. O'ng qanot nimaga faolligi sababini topdik - Eldor Shomurodov shu erda ekan. U o'z qanotidan o'tib borib Jamshid Iskanderovga ajoyib uzatma bergan edi, ammo Jamshidning zarbasi teskari proportsional yo'nalishda ketdi...
27. Iroqliklarning navbatdagi hujumi va hujumchining driblingi muvaffaqiyatli yakunlanmaganidan xursandmiz.
29. Ortidan Eldor Shomurodovning driblingi ham o'xshamagani esa, chatoq bo'ldi.
29. Aksiga olib qo'pol o'ynagani uchunSardor Rahmonov sariq bilan jazolandi. Buyog'iga ehtiyot bo'lish kerak...
32. Sergeevning himoyachilariga-da yordam berayotgani kishini quvontirmoqda. Hisobda oldinda borayotgan jamoa shunday o'ynashi kerak - hamma bir biriga yordam berib. Endi hujumdagi ishini ham qoyil qilsa, ikki hissa ko'proq xursand bo'lardik.
33. Iroqlik futbolchi yana bir marta qattiq baqirgancha maydonga yiqildi. Ammo hakam bu safar unga aldangani yo'q. Stadionda esa bayramona kayfiyat, muxlislarning kayfiyati zo'r! Oxirigacha shu holat saqlanib qolsin-da...
34. Muhammad Abdulrahim qulay vaziyatga chiqib ketayotganini ko'rgan iroqlik muxlislar "Yalla, yalla" deya hayqirib yubordilar. Bizning baxtimizga "yalla" bo'lmay qoldi.
37. Otabek Shukurovni yiqitishdi, hakam og'zaki ogohlantirish bilan cheklandi. Jarima zarbasi.
37. Qarshi hujum va gol! Hisob 1:1
37. Jarima zarbasini Doston Hamdamov amalga oshirdi va iroqliklar tezkor qarshi hujumga o'tib ketib, gol urdilar.
40. Burchak to'pidan so'ng Igor Sergeevda bosh bilan zarba berish uchun qulay imkoniyat yuzaga kelgandek bo'lgandi. Ammo bo'lmadi. Sergeevga yana omad kulmadi. Yaxshi imkoniyat edi
43. Gol. Mahdi Komil ikkinchi golni urdi. Hisob 1:2
44. Bizning burchak to'pimizdan esa hech narsa chiqqani yo'q.
45. Birinchi bo'limga bir daqiqa qo'shib berildi. Iroq esa hamon hujumda.
Bo'lim tugadi. Tanaffusga o'tgan galgidek yutqazib chiqib ketyapmiz. Shunaqa
46. Ikkinchi bo'lim boshlandi. Kutilgan o'zgarish - Iskanderov o'rniga Masharipov tushirildi.
49. Raqib futbolchisi Muhammad Abdulrahim jarima maydonchamiz ichida yiqilarkan, Maradona uslubida qo'li bilan gol urishga urinib ko'rdi. O'xshamadi. O'xshamagani ham mayli, hakamga e'tiroz bildirganiga nima deysiz.
54. Iroq o'yinni boshqarmoqda. Endi himoyachilari ham zarba berishga o'tishdi. Markaziy himoyachi Hamza Adnanning zarbasi ancha noaniqligi esa bizga qo'l keldi.
56. Shomurodov o'z qanotida nimalardir qilishga urinib ko'rdi. Hozircha bu urinish faqat aut bilan yakunlandi.
63. Samvel Babayan shogirdlarining o'yini umuman qovushmayapti. Nihoyat uzoqroq masofadan bo'lsa ham terma jamoamiz jarima zarbasi tepadigan bo'ldi. Masharipovni yiqitishdi.
65. Jarima zarbasini Shukurov tepsa kerak. Ungacha esa "arabcha futbol" qahramoniga tibbiy yordam ko'rsatish sahnasi o'ynaladi.
66. Xavfli vaziyat. Jarima zarbasidan so'ng yuzaga kelgan xavfni darvozabon bartaraf etdi, ammo Javlon Mirabdullaev tomonidan berilgan takroriy zarbada to'pni qo'lidan chiqarib yubordi. Afsus, yaqinroqda hujumchimiz yo'q ekan.
71. Raqibning kuchli va o'ta kuchli zarbasini Abdumavlon Abdujalilov bartaraf etdi.
72 Sal qolishiga sal qoldi. Javlon Mirabdullaev jarima maydonchasi ichida yotgancha to'pni qo'li bilan ushlab qolgandi, baxtimizga hakam ko'rmay qoldi.
73. Zaxira almashtirilishi bo'ladigan ko'rinadi. Maydonga Ikrom Aliboev tushishga hozirlanmoqda.
73. Himoyamiz sarosimada. Baxtimizga Mahdi Kamolning zarbasi to'g'ri Abdujalilovga yo'llangandi. Bu orada Sardor Rahmonov o'rniga Ikrom Aliboev maydonga tushirildi.
76. Doston Hamdamov o'rniga Temur Hakimov tushirildi. Ko'ramiz, nima qila olarkan u...
78. Mahdi Kamol yana xavfli zarba yo'lladi. Baxtimizga biroz noaniq. Bunaqa zarbalarga o'rganib qolishdi shekilli, futbolchilarimiz ko'p ham qarshilik ko'rsatishgani yo'q...
80. Gooooolllll!!!!
— deya xabar beradi uff.uz nashri.