O'zbekiston olimpiya terma jamoasi bosh murabbiyi Iroqqa qarshi kechgan o'yindan so'ng (2:3) matbuot anjumanida ishtirok etdi va avvalo o'yin haqidagi fikrini bildirdi.
- O'yin haqida nima deyish mumkin? Biz qatorasiga ikkinchi marta mag'lubiyatga uchradik. O'z imkoniyatlarimizdan foydalana olmadik va buning oqibatida shunday natija qayd etildi. - Himoya haqida nima deya olasiz? Nima uchun himoyachilar ayniqsa so'nggi daqiqalarda oxiriga qadar kurashmadilar?
- Himoya - bizning eng kuchsiz chizig'imiz edi. Afsuski bizning himoyamizda yuqori saviyadagi futbolchilar yo'q. Ayni vaqtda qo'l ostimizda bo'lgan o'yinchilar bilan maydonga tushishga majburmiz. Hakam o'yindan tashqari holat qayd etmagan vaziyatdagi anglashilmovchilikka kelsak, yaxshi saviyadagi o'yinchi bunday vaqtda to'xtab qolmasligi kerak. Bu ham himoya chizig'imizning asl holatini ko'rsatib berdi. - Jamshid Iskanderov bir qator qo'pol xatolarga yo'l qo'ydi. Nima uchun etarlicha o'yin amaliyotiga ega bo'lmagan futbolchini yana maydonga tushirdingiz?
- Bizga Jamshid Iskanderov kabi chiziqlarni bog'lab turuvchi futbolchi kerak edi. Shu sababli uni maydonga tushirdik. Ammo u ham bizga yordam bera olmadi.
— deya xabar beradi uff.uz nashri.