Rossiyaning Tyumen shahrida Gran-Pri turkumiga kiruvchi Ivan Poddubniy xotirasiga bag'ishlangan an'anaviy xalqaro turnir o'tkazildi.
Bu yilgi musobaqada Rossiya, O'zbekiston, Belarus, Isroil va Qirg'iziston terma jamoalari g'oliblik uchun kurash olib bordilar.
Murosasiz bellashuvlarga boy tarzda kechgan musobaqalar yakunlariga ko'ra terma jamoamiz etakchilaridan biri Elmurat Tasmuradov (-59 kg) kumush medal sovrindori bo'ldi.
Tajribali polvonimiz finalga qadar kechgan bellashuvlarda “London-2012” Olimpiada o'yinlari sovrindori Mingiyan Semyonov, 2013 yilgi Jahon chempionati sovrindori Ivan Kuylakovni (ikkalasi Rossiyadan) mag'lub etib, finalda mezbonlar vakili Ibragim Labzanovga imkoniyatni boy berdi. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.