Andijon shahridagi “Yoshlik” sport majmuasida “O'zavtosanoat” AK tizimidagi qo'shma korxonalar o'rtasida o'n besh kun davom etgan mini-futbol bo'yicha viloyat Kubogi musobaqasining g'oliblari aniqlandi.
Turnirda kompaniya tizimidagi ettita korxonaning jamoalari bahs olib bordilar. 17 yanvar kuni esa musobaqaning yakunlovchi o'yinlari bo'lib o'tib, g'oliblar aniqlandi. Murosasiz kechgan final bahsida “UzXanVu” hamda UzDongJu” jamoalari maydonga tushib, tengkurashlarda o'tgan o'yinda  “UzDongJu” korxonasi xodimlaridan tuzilgan jamoaning qo'li baland keldi.
Musobaqa yakunlariga ko'ra 3-o'rinni “UzKoramKo”,  2- o'rinni “UzXanVu” egallab turnir sovrindori bo'lgan bo'lsa, “UzDongJu” jamoasi 1- o'rin  bilan viloyat Kubogini qo'lga kiritdi.   
Turnirning tantanali yopilish marosimida so'z olgan Andijon viloyat futbol federatsiyasi birinchi vitse-prezidenti Alisher Uzoqov g'oliblarni tabriklab, alohida  nominatsiyalarda o'zini ko'rsatgan futbolchilar va sovrindor jamoalarga futbol federatsiyasining esdalik sovg'alarini topshirdi. G'olib “UzDongJu” jamoasiga esa musobaqa Kubogi tantanali tarzda berildi.            
Elmurod ERMATOV, Andijon
— deya xabar beradi uff.uz nashri.