Xabaringiz bor, O'zbekiston U-23 terma jamoasi Qatarda o'tayotgan Osiyo chempionatida guruhdagi ikkita o'yinda mag'luiyatga uchrab, guruhdan chiqish imkoniyatidan butunlay mahrum bo'ldi. Endilikda vakillarimiz ertaga Yaman termasiga qarshi 3-tur o'yinida maydonga tushishida. Mazkur uchrashuv amalda hech narsani hal qilmasada, baribir rasmiy o'yin maqomiga ega. Terma jamoamiz bosh murabbiyi Samvel Babayan ta'kidlaganidek, futbolchilarda o'zlariga bo'lgan ishonchni qaytarishda Yamanga qarshi o'yinda g'alaba qozonish shart. Shu sababli terma jamoamiz a'zolari bu o'yinga jiddiy ravishda yondoshishmoqda. O'FF rasmiy tvitterining xabar qilishicha, "O'zbekiston olimpiya terma jamoasi Yamanga qarshi o'yin oldidan bugun kunning birinchi yarmida nazariy, kechqurun esa jismoniy mashg'ulot o'tkazadi". Yamanga qarshi o'yinda terma jamoada o'yin amaliyotiga ega bo'lmay kelayotgan futbolchilarni maydonda ko'ramiz, deb umid qilib qolamiz.
— deya xabar beradi uff.uz nashri.