Futbolchilarimiz Dubayga etib borganlariga bugun 10 kun vaqt to'ldi. Mana shu davr mobaynida ular jismoniy holatlarini anchagina yaxshilab olishga muvaffaq bo'lishdi. Ertaga jamoamiz Xitoy chempionatining beshinchi jamoasiga qarshi o'rtoqlik o'yinida maydonga tushadi. O'tgan kuni Ivan Nagaev hamda Salim Mustafoev kabi futbolchilar ham safga qo'shilganliklarini inobatga olsak, bosh murabbiy Mirko Elichichda to'liq ikkita tarkib hosil qilishning imkoniyati bor. “Al-Ahli”ga qarshi bellashuvda murabbiy qaydnomaga kiritilgan barcha futbolchilar xizmatidan foydalangandi. Bugun mashg'ulotlar odatdagidek davom ettirildi. Kechki payt o'tkazilgan nazariyada “Al-Ahli”ga qarshi o'yin vieotasmasidan foydalanildi. Yildagi birinchi o'rtoqlik uchrashuv tahlil etilib, yo'l qo'yilgan xatolar ertangi bellashuvda takrorlanmasligi uchun fikrlar almashildi. Ertangi bellashuv Toshkent vaqti bilan 17:00 da boshlanadi. Maydonda harakat qilayotgan futbolchilar va hisobning o'zgarishi bilan tvitterdagi sahifamizda tanishtirib boramiz. Uchrashuv qaydnomasi bahs yakuniga etishi bilan rasmiy veb-saytimizda ko'rinish beradi.
— deya xabar beradi uff.uz nashri.