Milanning “Inter” klubi bosh murabbiyi Roberto Manchini mavsum oxirida “San-Siro”ni tark etib, Italiya terma jamoasi boshqaruvini o'z qo'liga olishi mumkin. Bu haqida Tuttosport nashri ma'lumot berdi. “Skuadra adzurralar”ning amaldagi ustozi Antonio Konte Evro-2016dan so'ng o'z lavozimini tark etishi va klublar bilan ishlashga qaytishi kutilmoqda. Manchini esa agar milanliklar Chempionlar ligasiga yo'llanmani qo'lga kirita olishmasa, Kontening davomchisi bo'lishga rozi bo'lishi mumkin. Aytish joizki Robertoning “Inter” bilan shartnomasi 2017 yilga qadar mo'ljallangan. Konte bo'lsa yozda “Milan” klubi bosh murabbiyligi lavozimini egallashi mumkinligi haqida ma'lumot bor.
— deya xabar beradi uff.uz nashri.