Avstraliyaning Melburn shahrida tennis bo'yicha “Katta dubulg'a” turkumiga kiruvchi dunyodagi to'rtta eng yirik turnirdan biri – Avstraliya ochiq chempionatining asosiy to'r bahslariga start berildi.
Dunyoning eatkchi raketka ustalari ishtirokida o'tayotgan mazkur nufuzli musobaqada O'zbekistonning birinchi raqamli tennischisi Denis Istomin ham asosiy to'rdan bahslarga kirishdi.
Yakkalik bahslarining birinchi davrasida mezbon sportchi, turnirda 16-raqam ostida saralangan Bernard Tomichga qarshi kortga tushgan hamyurtimiz to'rt set yakuniga ko'ra 7-6, 4-6, 4-6, 4-6 hisobida imkoniyatni boy berdi.
Endi Denis Istomin bor e'tiborini juftliklar bahsiga qaratadi. Ushbu musobaqada belaruslik Aleksandr Buriy bilan juftlik hosil qilgan Denis Istomin birinchi davrada Trit Konrad Yuey (Filippin) / Maksim Mirniy (Belarus) duetiga qarshi bahs yuritadi. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.