Chili terma jamoasi bosh murabbiyi Xorxe Sampaoli mamlakat futbol federatsiyasi bilan shartnomasini bekor qildi. 55 yoshli argentinalik mutaxassis federatsiya tomonidan taklif qilingan bonuslar, jumladan, Kopa Amerikadagi g'alabasi uchun belgilangan mukofot pullaridan o'z ixtiyoriga ko'ra voz kechgan. "Endilikda bor e'tiborimizni Rossiya-2018ga qaratamiz. Maqsadimiz ushbu jahon chempionati saralashidan muvaffaqiyatli o'tish",- deydi Chili futbol federatsiyasi prezidente Arturo Salax. Sampaoli 2012 yildan beri Chili termasi bilan ishlab kelayotgandi. Uning qo'lostida terma jamoa JCh-2014da 1/8 finaliga qadar etib borib, penaltilar seriyasiga ko'ra Braziliyaga mag'lub bo'lgandi.2015 yilda esa Sampaoli Chili bilan birgalikda Kopa Amerikda g'laba qozondi. U yil yakunlariga ko'ra eng kuchli murabbiylar uchligidan o'rin olganini ham ta'kidlab o'tish kerak.
— deya xabar beradi uff.uz nashri.