Frantsiyaning Le Figaro nashri “Manchester Yunayted” klubi hujumchisi Antoni Marsyalning asl narxini e'lon qildi.
“Manchester Yunayted” jamoasi frantsiyalik yosh iqtidor egasi uchun 50 million evro (38 mln funt) sarflagan ekan. Avvalroq, aksariyat manbalar uning transferi 80 million evro bo'lganligini ta'kidlashgan.
Bundan tashqari, shartnomaning bir nechta bandiga ko'ra, “Manchester Yunayted”  klubi qo'yidagi shartlar bajarilsa:
Marsyal Angliya chempionatida 25 ta gol kiritsa – 10 mln evro;
Marsyal Frantsiya termasi safida 25 ta o'yinda maydonga tushsa – 10 mln evro;
Marsyal yil yakunida “Oltin to'p” mukofotiga asosiy nomzodlardan biri bo'lsa – 10 mln evro miqdorida “Monako”ga pul to'lashi kerak bo'ladi.
Eslatib o'tamiz, “MYu” Antoni Marsyalni 20 yoshga to'lmagan futbolchilar orasida eng qimmat futbolchiga aylantirdi. Joriy mavsumda frantsiyalik hujumchi barcha turnirlarda 26 o'yinda maydonga tushib, 8 ta gol kiritishga muvaffaq bo'lgan.  
Manba: Le Figaro
— deya xabar beradi uff.uz nashri.