“Korintians” jamoasi hujumchisi Aleshandre Pato yaqin orada “Chelsi” a'zosiga aylanishi mumkin, deya xabar bermoqda ESPN.
Manbaning ta'kidlashicha, 26 yoshli futbolchi “nafaqaxo'rlar” safida to'p surishga rozilik bergan. Tomonlar ayni damda muzokaralarni davom ettirishmoqda. Braziliyalik futbolchi Londonda yiliga 2,3 mln evro maosh olishi kutilmoqda.
Avvalroq, Aleshandre Patoga “Tyantszin Suntszyan” jamoasi qiziqish bildirgandi, biroq, Xitoy klubi rad javobini olgan.
— deya xabar beradi uff.uz nashri.