Parijning “PSJ” klubi hujumchisi Edinson Kavani “Manchester Yunayted” jamoasi a'zosiga aylanishi mumkin. ESPN telekanalining ma'lumotiga ko'ra, “MYu” urugvaylik futbolchining transferi borasida rasmiy taklif jo'natmoqchi. 28 yoshli o'yinchining vakillari mankunianliklar bilan aloqaga chiqib, ularni hujumchiga bo'lgan qiziqishni jonlantirishga ko'ndirishgan. “Yunayted” Kavanining xaridi orqali past samardorlikni oshirmoqchi. Avvalroq, “PSJ” “MYu”dan Kavani uchun 32 million funt so'rashi haqida ma'lumot tarqalgandi.
— deya xabar beradi uff.uz nashri.