"Bavariya" hujumchisi Tomas Myuller yozda "Manchester Yunayted"dan katta mablag'li taklif tushgani haqidagi xabarga izoh berdi.
"Agar klub shuncha pulni sarflay olsa, demak bu holat bozor manfaatiga xizmat qiladi. Ba'zi nemis klublari tahdid his qilayotganlarini bilaman, ammo bu holatdan hamma foyda ko'rishi aniq.
Futbol - bu bizning kasbimiz va futbolchi uchun maosh katta o'rin tutishini tan olish lozim. Albatta Angliyadagi kabi maosh to'lashlari kishini o'ziga tortadi. Buni tan olmaslik ikkiyuzlamachilik bo'lar edi", - deydi Myuller.
Eslatib o'tamiz, yozda "MYu" Myuller uchun 120 million evro taklif qilgani aytilgan edi. Ayni vaqtda hujumchi "Bavariya"da haftasiga 110 ming funt maosh oladi. "MYu"ga o'tgan Bastian Shvaynshtaygerning haftalik maoshi esa 180 ming funtni tashkil etmoqda.
— deya xabar beradi uff.uz nashri.