Madridning "Real" klubi rahbariyati Turinning "Yuventus" jamoasi hujumchisi Paulo Dibalaga qiziqish bildirmoqda. "Qirollik klubi" kelayotgan yozda hujumchini xarid qilmoqchi. Buning uchun "Real" FIFA tomonidan qo'yilgan cheklov bekor qilinishiga erishishi zarur. Bundan tashqari, "Yuventus" ham Dibala bilan xayrlashmoqchi emas, buning uchun madridliklar moliyaviy jihatdan anchagina foydali taklif jo'natishlari zarur. Joriy mavsumda 22 yoshli Dibala 26 marta maydonga tushib, 12ta gol hamda 9ta golli uzatmaga mualliflik qilgan.
— deya xabar beradi uff.uz nashri.