Zayniddin Zidan 2006 yilgi jahon chempionatida Marko Materatstsini «siylagan» kezlari Frantsiya termasini Raymon Domenek boshqargandi. Oradan o'n yil o'tdi. Yaqinda ushbu mutaxassis xorijlik hamkasblarimizga intervyu berarkan, agar Zidan «Real» imtihonidan o'ta olsa, Frantsiya terma jamoasi bosh murabbiyligida ishlashi mumkinligini ta'kidladi.
- Zidanning «Real»ga bosh murabbiy etib tayinlanishiga qanday qaraysiz?
- Matbuotda shov-shuv ko'tarildi, axborot kanallari o'z dasturlarini to'xtatib, Zayniddin haqida maxsus ko'rsatuv tayyorlashga kirishdilar. Ushbu voqea hammaga kuchli ta'sir o'tkazdi, faqat Zidandan tashqari.
- Nega hamma uni yaxshi ko'radi?
- Chunki Zidan sof iqtidor egasi, maydonda hech kim eplolmagan ishlarni bajargan. Shuningdek, Zayniddin kamtar-kamsuqum, haqiqiy afsona.
- Zidandagi murabbiylik tajribasi u qadar katta emas, faqatgina farm-klubda ishlagan, xolos. Uning bosh jamoadagi imkoniyatlarini qanday baholaysiz?
- O'ylashimcha, barchasini eplaydi, zero hozirgi murabbiylik kasbi avvalgi yillardagidan farqlanadi. Bugun kimdir mashg'ulotni o'tkazsa, boshqasi jismoniy tayyorgarlikka javobgar. Ayni damda muvaffaqiyatli ishlash uchun futbolchilar qarshisida obro'li shaxs sifatida gavdalanishning o'zi kifoya. Zayniddinda esa bu borada muammo yo'q. Muhimi - yulduzlar va boshqa shogirdlarini yaxlit jamoaga aylanishini ta'minlasa bo'lgani.
- Nega «Real» aynan uni tanladi?
- Chunki Zidan - mashhur nom. «Qirollik klubi» safida turli musobaqalarda g'olib chiqqan, jamoa tarixidan muqim joy egallagan. Shuni inobatga olsak, mazkur tanlov mantiqan to'g'ri. U Karlo Anchelottining norasmiy yordamchisi edi: birinchi marta po'rim kiyingan Zayniddinning zaxira o'rindig'ida o'tirganini ko'rib, qachonlardir «Real» bosh murabbiyiga aylanishini taxmin qilgandim. Ke­yinchalik Frantsiya termasini boshqarishiga ham ishonsak bo'laveradi.
Davomi InterFUTBOL gazetasi blogida.
— deya xabar beradi uff.uz nashri.