“Valensiya” jamoasi bosh murabbiyi Gari Nevill klub yangi sardori sifatida Pako Alkaserni tayinladi. O'z navbatida Daniel Parexo sardorlik bog'ichidan mahrum bo'ldi.
Angliyalik mutaxassis Ispaniya Kubogi 1/4 finali doirasida “Las-Palmas”ga qarshi kechgan dastlabki o'yindan (1:1) so'ng ushbu qarorga kelgan.
- “Valensiya”ning yangi sardori Pako Alkaser bo'ladi. Parexo bilan bu borada gaplashib olgandim. O'z qarorimni qabul qilish uchun hech qanday qiyinchilikka duch kelmadim. Agar Parexo qandaydir muammolar keltirib chiqarsa, u maydonga tushmaydi. Menimcha, u sardorlik bog'ichisiz maydonda harakat qilishi kerak, - deydi Gari Nevill.

— deya xabar beradi uff.uz nashri.