"Barselona" hujumchisi Neymarning otasi va agenti Neymar da Silva "Real" rahbariyati bilan muzokara olib borilganini inkor etdi. Eslatib o'tamiz, klub va futbolchining vakillari Tsyurixdagi "Oltin to'p" taqdimoti chog'ida muzokara o'tkazgani xabar qilingan edi.
"Bu shunchaki matbuotning ahmoqona o'ylab topgan gapi xolos. Biz "Barselona" va "Real" rahbariyati joylashgan mehmonxonada joylashgan edik va madridliklar bilan shunchaki salomlashib qo'ydik. Hech qanday muzokara o'tkazilgani yo'q.
Bizning "Barselona" bilan shartnomamiz bor va Neymar hammasidan xursand. U mavsum oxiriga qadar yangi shartnoma imzolash niyatida.
Men uning yagona rasmiy vakiliman va faqat men muzokara o'tkazishim mumkin", - deydi Neymar da Silva.
— deya xabar beradi uff.uz nashri.