O'tgan yilning yoz oylarida o'zbekistonlik iqtidorli futbolchi Sardor Yusupov haqida ma'lumotlar bergandik. Uni Kataloniyaning "Barselona" klubi o'rinbosarlar tarkibida nazorat-sinovdan o'tishi haqida yozgandik. Afsuski, o'sha kezlari futbolchimiz betob bo'lib qolgani bois, "Barsa"ning avgust oyidagi yig'inlarida ishtirok eta olmadi. Biz ham vaziyat oydinlashiga qadar u haqida ma'lumot bermaslikni lozim topgandik. Qattiq shamollab qolgan Sardor 2 oyni da'volanishga sarfladi. Bu orada uning otasi Ikrom aka ham Ispaniyaga uchib ketib, farzandining sog'lig'i haqida qayg'ura boshladi.
O'zi, aslida uni "Barsa" ko'rigiga betob holida bormaslikni skautlar tavsiya qilishdi va Yusupovni murabbiy Oskar Lopesga taklif qilishdi.
Bugun u haqida ikki og'iz qo'shimcha ma'lumotlarni berib o'tishni lozim topdik.
Ayni paytda Sardor Yusupov Kataloniyaning Segunda "V" divizioni vakili "Badalona" tarkibida to'p surmoqda. Uning murabbiyi "Barselona"ning sobiq futbolchisi - Oskar Lopes hisoblanadi. Yaxshi bilasiz, Lopes bir paytlar Xavi, Ronaldinyular bilan birga to'p surgan.

Aynan ushbu murabbiy qo'lostida Sardor Yusupov o'z tajribasini ortirmoqda. Vatandoshimiz ushbu mavsumda jamoasining  asosiy futbolchisiga aylanib ulgurdi. Ko'p marta jamoadoshlarini mag'lubiyatdan qutqarib qoldi. "Barselona"ning o'rinbosarlariga qarshi "Badalona" tarkibida maydonga tushdi va ishonchli o'yin namoyish etdi. U bu mavsumda mazkur klubda faoliyatini davom ettiradi.
Yashirmaymiz, ayrim skautlar hozirda uning o'yinini kuzatib bormoqda. Darvoqe, futbolchimiz bugun 19 yoshga to'ldi. Bu yoshda Ispaniya ham bir futbolchi professional shartnoma imzolash huquqiga egadir. Yusupov ham jamoasi bilan ikki yillik shartnomaga imzo chekkan. Uning murabbiyi Oskar Lopes keyinroq boshqa kuchli klublarga tavsiya qilishni rejalashtirmoqda.
O'tgan yili futbolchimizning Kataloniyadagi sarf-xarajatlari uchun mablag' yig'ish borasida muxlislarga murojaat qilgandik. Afsuski, kerakli hujjatlar vaqtida topshirilmagani bois, hisob-raqam ochilmasdan qoldi. Barcha muammolarni otaning o'zi hal qilib, Kataloniyaga ketdi.
Endi bo'lsa, Yusupovning ishlari chakkimas. Unda ikki yillik shartnoma va barqaror moash mavjud. Uning ezgu niyatlaridan biri - vatanimiz sha'nini himoya qilish uchun termamiz tarkibida to'p surish. U termadagi har qanday raqabotga tayyor ekanligini bildirgan. Yaqin vaqt ichida Yusupovning otasi bilan suhbat qilishni rejalashtirganmiz. Bu haqida keyinroq batafsil ma'lumot beramiz.
— deya xabar beradi uff.uz nashri.