Ayni damda “Chelsi” jamoasi yarim himoyachisi Eden Azarga bir qator Evropa grand jamoalari qiziqish bildirayotgani hech kimga sir emas. “MYu”, “Real” va “Manchester Siti” kabi top-klublar belgiyalik futbolchini o'z safiga qo'shib olish uchun o'zaro kurash olib bormoqda.
Buzzsport nashrining xabar qilishicha, “Chelsi” rahbariyati Azarning narxini 61,5 mln funt (80 mln evro) qilib belgiladi va bu avvalgisidan ancha arzon. Endilikda, 25 yoshli futbolchi uchun kurash yanada qizg'in davom etadi.
Avvalroq, “Manchester Yunayted” va “Real” jamoalari belgiyalik iqtidor egasiga 100 mln funt to'lashga tayyor ekani ma'lum bo'lgandi. “Shaharliklar” esa Azar uchun aynan 80 mln ajratishga tayyor edi.
O'tgan mavsumda APLning “eng yaxshi futbolchisi” bo'lgan Eden Azar joriy mavsumda omadsiz ishtirok etmoqda. Belgiyalik futbolchi biror marta ham raqiblar darvozasini ishg'ol qila olmadi. Ustiga ustak, Azar jarohatlarga moyilligi oshdi.

— deya xabar beradi uff.uz nashri.