Avval xabar berib o'tganimizdek, Toshkentda mavsumga tayyorgarlik ko'rayotgan jamoamiz Bekobodning “Metallurg” klubi bilan nazorat o'yinida kuch sinashadi.
Tomonlar kelishuviga ko'ra uchrashuv ikkita tarkiblar o'rtasida bo'lib o'tadi. Bu esa mashg'ulotlarda qatnashayotgan barcha futbolchilarga maydonga tushish imkoniyatini tuhfa etadi. Dastlabki bahs 11.00da boshlansa, ikkinchisi 13.00da start oladi. Bugungi mashg'ulotlar davomida ham tarkibda hech qanday o'zgarish kuzatilmadi. Faqatgina jamoamiz safida ko'rikdan o'tayotgan futbolchilar qatoriga o'tgan mavsumni “Buxoro” jamoasida o'tkazgan Ravshan Aslanovni qo'shilganligini aytib o'tish joiz. 1994 yilda tug'ilgan futbolchi mashg'ulotlar davomida o'zidan yaxshi taassurot qoldira olsagina, “Navbahor” tarkibidan joy olish imkoniga ega bo'lishi mumkin.
— deya xabar beradi uff.uz nashri.