Yoshlar ligasi peshqadami “Bunyodkor” 25-turda Samarqandga safar qildi.
Samarqand shahrida o'yin kuni tinmay yog'gan yomg'ir maydon holatini yanada yomonlashtirdi. Natijada na “Dinamo” yoshlari va na “Bunyodkor” o'rinbosarlari o'zlari istagan o'yinni namoyish qila olishdi.
Hikmat Ergashev ustozligidagi yosh “qaldirg'ochlar” raqiblariga qaraganda ko'proq g'alabani istashayotganligi ularning maydondagi hatti-harakatlaridan yaqqol sezilib turdi. Bunyodkorchilar raqib darvozasi oldida bir necha xavfli vaziyatlar sodir etishga urinishdi. Biroq darvozaga yakuniy zarbani yo'llashga kelganda futbolchilarimizga aniqlik etishmadi. Ba'zi hollarda esa “Dinamo” yoshlari posboni Rustam Toshturdiev to'pni o'z darvozasiga kirishiga yo'l qo'ymadi.
Yoshlarga o'z tajribasini o'rtoqlashish uchun zaxiradan maydonga tushgan Samir Bekrich uchrashuvning 61-daqiqasida chamasi 22-23 metrlardan belgilangan jarima zarbasidan to'pni “jonli devor” ustidan oshirib, darvoza to'riga joylab qo'ydi. Uning ushbu goli uchrashuvda yagona bo'lib qoldi va “Bunyodkor” yoshlari Samarqanddan uch ochko bilan ortda qaytadigan bo'lishdi.
25-turdan so'ng “Bunyodkor” yoshlari 55 ochko jamg'arishgan holda musobaqa jadvalida birinchi pog'onada borishmoqda.
Yoshlar ligasi, 25-tur
“DINAMO” – “BUNYoDKOR” 0:1 (0:0)
Gol: Samir Bekrich 61
“Dinamo”: 1.Rustam Toshturdiev, 4.Bunyod Isroilov, 6.Firdavs Abdusalimov, 13.Lazizjon Nuriddinov, 16.Dadajon Mamatqulov, 23.Akbar Siddiqov (S), 24.Timur Sharipov, 25.Mirkomil Lokaev, 26.Xakimjon Alamxonov, 70.Alijon Safarov, 77.Xolmo'min Davronov
“Bunyodkor”: 45.Akbar To'raev, 4.Islom Qobilov, 7.Nodir Mavlonov, 11.Anvar Rajabov, 13.Ivan Miloshevich, 14.Vyacheslav Purak, 15.Ergash Ismoilov, 21.Farhod Namozov, 28.Xurshid G'iyosov, 44.Mirjamol Qosimov, 59.Javohir Qahramonov
Hakamlar: Nayim Qosimov (Qarshi), Aziz Ahtamov (Samarqand), Rustam Hakimov (Samarqand), Sherzod Qamarov (Samarqand)
Nazoratchi: Farhod Abdullaev (Toshkent)
11 oktyabr. Samarqand. OZSK stadioni.
— deya xabar beradi uff.uz nashri.