Germaniya chempionatining 18-turidan o'rin olgan “Bavariya“ hamda “Gamburg“ klublari o'rtasidagi uchrashuv o'z nihoyasiga etdi. Unda 1:2 hisobi qayd etilib, myunxenliklarning g'alabasi bilan yakunlandi. Dastlab, birinchi bo'limning 37-daqiqasida Robert Levandovski penaltidan hisobni ochgan bo'lsa, 51-daqiqaga kelib, Xunt javob golini kiritishga muvaffaq bo'ldi – 1:1. Oradan o'n daqiqa o'tgach esa yana polshalik hujumchining o'zi raqib darvozasini ikkinchi bor ishg'ol etdi va aynan shu gol yakunda myunxenliklarga g'alabani taqdim etdi. Shu tariqa, “Bavariya” ikkinchi davrani “Gamburg” ustidan g'alaba bilan boshladi. Germaniya chempionati, 18-tur Gamburg – Bavariya 1:2 (0:1, 1:1)
Gollar: 0:1 – 37, penalti Levandovski, 1:1 – 51 Xunt, 1:2 – 61 Levandovski.
Gamburg – Adler, Dikmayer, Djuru, Kleber Reys, Ostjolek, Kachar (Yung, 81), Xoltbi, Myuller, Xunt, Ilichevich (Gregorich, 69), Lasogga (Rudnev, 77).
Bavariya – Noyer, Boateng (Martines, 56), Badshtuber, Alaba, Duglas Kosta (Robben, 81), Lam, Xabi Alonso, Alkantara, Koman, Myuller (Vidal, 69), Levandovski.
Ogohlantirishlar: Ostjolek (20), Kachar (32), Adler (36), Myuller (42), Lam (45), Xabi Alonso (82).
— deya xabar beradi uff.uz nashri.