Bugungi kunda yurtimizda futbol bilan shug'ullanish uchun qulay sharoitlar muhayyo qilingan. Deyarli har bir shahar va qishloqlarda katta-kichik futbol maydonlari futbolsevarlarga xizmat qilmoqda. Ammo ayni paytda hukm surayotgan qish fasli tufayli ochiq futbol maydonlari biroz huvullab qolgan.
Shunga qaramay o'z xumoridan chiqish uchun sport zallarida to'p tepayotgan kishilar ham oz emas. Agar siz aynan shunday kishilar toifasidan bo'lsangiz biz sizni “Havaskor mini futbol turniri”ga chorlaymiz. Shu paytga qadar futbol yangiliklarini yoritib kelgan Koptok.uz sayti xodimlari o'z yo'nalishini biroz o'zgartirgan holda mazkur turnirni tashkil qilish bilan bog'liq ishlarni boshladi. O'ziga munosib raqib qidirayotgan havaskor jamoalar endi ushbu sayt orqali turnirda ishtirok etishlari mumkin.
Eng muhimi bu turnir talabgorlarning istagidan kelib chiqib har hafta o'tkaziladi va muttasil davom ettirilishi ko'zda tutilgan. Ushbu turnirda ishtirok etish bilan bog'liq fikr va mulohazalaringizni [email protected] manziliga yuborishingiz mumkin.
Davomi Koptok.Uz blogida.
— deya xabar beradi uff.uz nashri.