“Nyukasl” klubi bosh murabbiyi Stiv Maklaren “Barselona” jamoasi hujumchisi Sandro Ramiresning xizmatlariga qiziqish bildirmoqda. Bu haqida The Guardian nashri xabar tarqatdi. Manbada aytilishicha, “Tottenxem” hujumchisi Endros Taunsend bo'yicha muzokaralar muvaffaqiyatli yakunlanmaganidan so'ng Maklaren e'tiborini Sandroga qaratgan. Aytish joizki, “Nyukasl“dan tashqari Sandroga “Tottenxem” hamda “Betis” jamoalari ham da'vogarlik qilishmoqda. Shunga qaramay “Barselona” boshqa hujumchini tarkibga jalb qilganidan so'nggina Sandroni qo'yib yuboradi. Joriy mavsumda Sandro Primeraning 10ta o'yinida ishtirok etgan, ammo shulardan faqat to'rttasida asosiy tarkibda maydonga tushgan.
— deya xabar beradi uff.uz nashri.