Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Mo''jizalar mamlakati yoki yana Qatar haqida (InterFUTBOL blogi)
Yoshlar o'rtasidagi Osiyo chempionatini yoritish uchun Doxaga yo'l olar ekanmiz, ikki maqsadni ko'zlagan edik - O'zbekiston olimpiya terma jamoasining musobaqadagi ishtiroki va Qatarning JCh-2022ga ko'rayotgan tayyorgarligi. Bu niyatning har ikkisiga ham etdik, deyish qiyin.
Boisi, olimpiyachilarimizning musobaqadagi ishtirokni erta yakunlashlarini bilib olish uchun ikkitagina o'yin kifoya qildi. Bunday vaqtda ko'p narsaga ulgurmasligingiz tabiiy hol. Shunday ekan, maqsadning birinchisi batamom ro'yobga chiqdi, deya olmaymiz. Ammo ikkinchi vazifani imkon qadar bajarishga harakat qildik.
Qatar
Bu mamlakat haqida so'nggi vaqtlarda turli gaplar aytilmoqda. Ta'kidlash joiz, ularning aksariyati ertakka o'xshaydi. Kimlar uchundir bu zeb-ziynatga chulg'angan, ajoyibotlar o'lkasi. Boshqalar esa JCh stadionlarida xorij mamlakatlari fuqarolari noqulay sharoitda ishlashi tufayli Qatar haqida salbiy taassurotga egalar. Bu fikrning ikkisiga qo'shilish ham, qo'shilmaslik ham mumkin.
Qatar shunday davlatki, boyligi haddan ziyod ko'p, xududi esa tasavvur qilib bo'lmas darajada kichkina. Shu qadar kichikki, bor-yo'g'i 11 586 kvadrat kilometrni tashkil etadi. Solishtirib ko'radigan bo'lsak, o'zimizdagi bitta viloyat undan kattaroq bo'lib chiqadi. Qatarning boyliklariga esa undagi gaz va neft zaxirasi sabab. Mamlakat gaz zaxiralari bo'yicha dunyoda eksport qilish bo'yicha esa 6-o'rinda turadi. Mana endi shuncha boylikka yarasha Qatar aholisi bir yarim million atrofida ekanini nazarda tutsak, u erdagi sharoitni tasavvur qilib olavering.
Endi stadionlardagi halokatlarga kelsak. Qatardagi qurilishlar jarayonida bot-bot o'lim holati uchrab turishi bor gap. Ammo o'zimiz ko'rib, guvohi bo'lganimizdek, bu erda xavfsizlikning hamma talablariga imkon qadar javob berishga harakat qiladilar. Inshootlar atrofi o'ralgan, har bir ishchi maxsus himoya kiyimi bilan ta'minlangan. Ammo baribir, baxtsiz hodisalar uchrab turishiga mamlakatda haddan ortiq ko'p qurilish olib borilayotgani sabab bo'lsa kerak. Bu erda yangi bino qurilishida ishlatiladigan texnikani har qadamda ko'rasiz. Olib borilayotgan ishlarni esa mehmonxona derazasidan turib ham kuzatish mumkin. Yangi qurilayotgan binolar shu qadar ko'pki, hatto g'isht tashish uchun ulovlardan foydalanilmaydi ham. G'isht zavoddan qurilish ob'ektiga to'g'ridan-to'g'ri o'zi yuradigan yo'laklar orqali kelib tushadi. Yo'laklar sharoitga qarab er ostidan va ustidan o'tkazilgan bo'lib, g'isht etishmovchiligi bo'yicha muammo tug'ilishi mumkin emas.
Ammo qurilish ko'p bo'lgach, biror baxtsiz tasodif ham ro'y berishi mumkin ekan. Qatardan jahon chempionati mezbonligini olib qo'yish istagidagi davlatlar esa bundan unumli foydalanishga urinmoqdalar. Shu sababli matbuotda Qatarda xorijlik ishchilar huquqi poymol etilayotgani haqida bong urilmoqda. Albatta, bunda qatarliklarning ham «hissasi» bor. Sababi, qurilishlarga ko'p hollarda hindistonlik va pokistonlik ishchilar malakasi past bo'lsa-da jalb etilaveradi. Oqibatda, shunday ko'ngilsizliklar ro'y berishi mumkin.
Darvoqe, Qatarda ayni vaqtda yashayotganlarning faqat 20 foizi asl qatarliklar. Qolganlarning aksariyati esa ishlash uchun xorijdan kelishgan. Ayniqsa, hindistonliklar shu qadar ko'pki, hatto kinoteatrlarda hind filmlari tarjima qilinmasdan, shundayicha qo'yiladi.
DOXA
Qatarda katta shaharlar ko'p emas. Aniqrog'i, yagonasi - Doxa. Poytaxtdan tashqariga chiqsangiz, ko'zingiz faqat sahroga tushadi. Kichik shaharcha va qishloqlar bor, ammo ko'p emas. Shu sababli mamlakatga kelgan sayyohlar faqat Doxa sayri bilan cheklanadilar. Ammo baribir, sayyohlik ancha rivojlanganini ta'kidlab o'tish lozim.
Doxa - mudom harakatdagi shahar. Bu erda yarim kechasi mototsiklning haybatli, bo'kiriq ovozini eshitsangiz hayron qolmang. Tunda Doxa ko'chalarida mototsikllar poygasi o'tkazib turiladi. Havaskorlar darajasida, albatta...
Shu o'rinda ta'kidlash joiz, Qatar - arab mamlakatlari orasida sportni rivojlantirish bo'yicha etakchi hisoblanadi. Shuning uchun bu erda deyarli barcha sport turini uchratishingiz mumkin. Kriket deysizmi, tennis yoki kurash, hammasidan bor. Qiziq tomoni, har bir klub futboldan tashqari gandbol, tennis, stol tennisi, voleybol va hatto, suv polosi jamoalariga ega. O'zbekiston olimpiya terma jamoasi Osiyo chempionatidagi o'yinlarini o'tkazgan «Qatar SK» stadionini translyatsiya vaqtida ko'rgan bo'lsangiz kerak. Gap shundaki, bu o'yingoh «Qatar SK»ga tegishli inshootlar ichida shunchaki «xamir uchidan patir», xolos. Yana boshqa bir qator arenalari ham bor. Klubning ofisiga kirsangiz, sovrinlarning ko'pligidan boshingiz aylanib qoladi. Gandbol, tennis, voleybol, basketbol va yana turfa sport turlaridan olingan mukofotlar oltinrang shkaflarga terib qo'yilgan. Ularning ko'pligi shu qadar hayratlanarliki, tomosha qilib chiqish uchun bir soatcha vaqtingiz ketib qoladi. Ammo qiziq tomoni, ular orasida futbol bo'yicha olingan birorta sovringa ko'zimiz tushmadi. Ma'lum bo'lishicha, qatarliklar boshqa sport turlarini har qancha rivojlantirishmasin, baribir, futbolga o'zgacha nigoh bilan qarasharkan. Millionlar o'yinida qo'lga kiritilgan sovrinlar o'zgacha mehr bilan, alohida saqlanishiga qaraganda shunday xulosa chiqarish mumkin.
MUNDIAL
Qatarning hududi juda kichikligi haqida aytdik. Aynan shu masala mamlakat uchun JCh-2022ni qabul qilishda katta muammo tug'dirishi mumkin. Axir shuncha odamni bittagina shaharga sig'dirishning o'zi bo'ladimi? Bu ham mayli, deyarli barcha infratuzilma bir shahar - Doxada jamlangani muammo ko'lamini yana-da oshirib yuboradi.
Bu masala hatto biroz kulgili ko'rinish olgan. Sababi, Qatar chempionatida ishtirok etadigan hamma jamoalar poytaxtning o'zida jamlanishgan. Yulduzlar ligasi o'yinlari bitta shaharda o'tkaziladi. Bu erda mehmon bo'lib boshqa shaharga borish shart emas. Jahon chempionati o'yinlari shunday sharoitda o'tishini tasavvur qila olasizmi? Axir odam ko'pligidan ko'chalarda mashinalar tugul, odamlar ham tiqilib qolishi hech gap emas-ku!
Aynan shu sababga ko'ra ham mundial mezbonligi Qatarga berilganda ko'plab noroziliklar yuzaga kelgan edi. Ammo «pul bo'lsa, changalda sho'rva», deydilar. Qatarliklar buning ham yo'lini topganlar. Ular mundial uchun allaqachon butun boshli yangi shahar qurishni boshlab yuborganlar. Rejaga ko'ra, Lusail deb ataladigan ushbu shaharda JCh-2022ning nafaqat ochilish, balki final o'yini ham o'tkazilishi lozim. Bu nomni eslab qoling, zero 2022 yilda uni ko'p bora eshitishimizga to'g'ri keladi...
Davomi InterFUTBOL gazetasi blogida.
— deya xabar beradi uff.uz nashri.
Boisi, olimpiyachilarimizning musobaqadagi ishtirokni erta yakunlashlarini bilib olish uchun ikkitagina o'yin kifoya qildi. Bunday vaqtda ko'p narsaga ulgurmasligingiz tabiiy hol. Shunday ekan, maqsadning birinchisi batamom ro'yobga chiqdi, deya olmaymiz. Ammo ikkinchi vazifani imkon qadar bajarishga harakat qildik.
Qatar
Bu mamlakat haqida so'nggi vaqtlarda turli gaplar aytilmoqda. Ta'kidlash joiz, ularning aksariyati ertakka o'xshaydi. Kimlar uchundir bu zeb-ziynatga chulg'angan, ajoyibotlar o'lkasi. Boshqalar esa JCh stadionlarida xorij mamlakatlari fuqarolari noqulay sharoitda ishlashi tufayli Qatar haqida salbiy taassurotga egalar. Bu fikrning ikkisiga qo'shilish ham, qo'shilmaslik ham mumkin.
Qatar shunday davlatki, boyligi haddan ziyod ko'p, xududi esa tasavvur qilib bo'lmas darajada kichkina. Shu qadar kichikki, bor-yo'g'i 11 586 kvadrat kilometrni tashkil etadi. Solishtirib ko'radigan bo'lsak, o'zimizdagi bitta viloyat undan kattaroq bo'lib chiqadi. Qatarning boyliklariga esa undagi gaz va neft zaxirasi sabab. Mamlakat gaz zaxiralari bo'yicha dunyoda eksport qilish bo'yicha esa 6-o'rinda turadi. Mana endi shuncha boylikka yarasha Qatar aholisi bir yarim million atrofida ekanini nazarda tutsak, u erdagi sharoitni tasavvur qilib olavering.
Endi stadionlardagi halokatlarga kelsak. Qatardagi qurilishlar jarayonida bot-bot o'lim holati uchrab turishi bor gap. Ammo o'zimiz ko'rib, guvohi bo'lganimizdek, bu erda xavfsizlikning hamma talablariga imkon qadar javob berishga harakat qiladilar. Inshootlar atrofi o'ralgan, har bir ishchi maxsus himoya kiyimi bilan ta'minlangan. Ammo baribir, baxtsiz hodisalar uchrab turishiga mamlakatda haddan ortiq ko'p qurilish olib borilayotgani sabab bo'lsa kerak. Bu erda yangi bino qurilishida ishlatiladigan texnikani har qadamda ko'rasiz. Olib borilayotgan ishlarni esa mehmonxona derazasidan turib ham kuzatish mumkin. Yangi qurilayotgan binolar shu qadar ko'pki, hatto g'isht tashish uchun ulovlardan foydalanilmaydi ham. G'isht zavoddan qurilish ob'ektiga to'g'ridan-to'g'ri o'zi yuradigan yo'laklar orqali kelib tushadi. Yo'laklar sharoitga qarab er ostidan va ustidan o'tkazilgan bo'lib, g'isht etishmovchiligi bo'yicha muammo tug'ilishi mumkin emas.
Ammo qurilish ko'p bo'lgach, biror baxtsiz tasodif ham ro'y berishi mumkin ekan. Qatardan jahon chempionati mezbonligini olib qo'yish istagidagi davlatlar esa bundan unumli foydalanishga urinmoqdalar. Shu sababli matbuotda Qatarda xorijlik ishchilar huquqi poymol etilayotgani haqida bong urilmoqda. Albatta, bunda qatarliklarning ham «hissasi» bor. Sababi, qurilishlarga ko'p hollarda hindistonlik va pokistonlik ishchilar malakasi past bo'lsa-da jalb etilaveradi. Oqibatda, shunday ko'ngilsizliklar ro'y berishi mumkin.
Darvoqe, Qatarda ayni vaqtda yashayotganlarning faqat 20 foizi asl qatarliklar. Qolganlarning aksariyati esa ishlash uchun xorijdan kelishgan. Ayniqsa, hindistonliklar shu qadar ko'pki, hatto kinoteatrlarda hind filmlari tarjima qilinmasdan, shundayicha qo'yiladi.
DOXA
Qatarda katta shaharlar ko'p emas. Aniqrog'i, yagonasi - Doxa. Poytaxtdan tashqariga chiqsangiz, ko'zingiz faqat sahroga tushadi. Kichik shaharcha va qishloqlar bor, ammo ko'p emas. Shu sababli mamlakatga kelgan sayyohlar faqat Doxa sayri bilan cheklanadilar. Ammo baribir, sayyohlik ancha rivojlanganini ta'kidlab o'tish lozim.
Doxa - mudom harakatdagi shahar. Bu erda yarim kechasi mototsiklning haybatli, bo'kiriq ovozini eshitsangiz hayron qolmang. Tunda Doxa ko'chalarida mototsikllar poygasi o'tkazib turiladi. Havaskorlar darajasida, albatta...
Shu o'rinda ta'kidlash joiz, Qatar - arab mamlakatlari orasida sportni rivojlantirish bo'yicha etakchi hisoblanadi. Shuning uchun bu erda deyarli barcha sport turini uchratishingiz mumkin. Kriket deysizmi, tennis yoki kurash, hammasidan bor. Qiziq tomoni, har bir klub futboldan tashqari gandbol, tennis, stol tennisi, voleybol va hatto, suv polosi jamoalariga ega. O'zbekiston olimpiya terma jamoasi Osiyo chempionatidagi o'yinlarini o'tkazgan «Qatar SK» stadionini translyatsiya vaqtida ko'rgan bo'lsangiz kerak. Gap shundaki, bu o'yingoh «Qatar SK»ga tegishli inshootlar ichida shunchaki «xamir uchidan patir», xolos. Yana boshqa bir qator arenalari ham bor. Klubning ofisiga kirsangiz, sovrinlarning ko'pligidan boshingiz aylanib qoladi. Gandbol, tennis, voleybol, basketbol va yana turfa sport turlaridan olingan mukofotlar oltinrang shkaflarga terib qo'yilgan. Ularning ko'pligi shu qadar hayratlanarliki, tomosha qilib chiqish uchun bir soatcha vaqtingiz ketib qoladi. Ammo qiziq tomoni, ular orasida futbol bo'yicha olingan birorta sovringa ko'zimiz tushmadi. Ma'lum bo'lishicha, qatarliklar boshqa sport turlarini har qancha rivojlantirishmasin, baribir, futbolga o'zgacha nigoh bilan qarasharkan. Millionlar o'yinida qo'lga kiritilgan sovrinlar o'zgacha mehr bilan, alohida saqlanishiga qaraganda shunday xulosa chiqarish mumkin.
MUNDIAL
Qatarning hududi juda kichikligi haqida aytdik. Aynan shu masala mamlakat uchun JCh-2022ni qabul qilishda katta muammo tug'dirishi mumkin. Axir shuncha odamni bittagina shaharga sig'dirishning o'zi bo'ladimi? Bu ham mayli, deyarli barcha infratuzilma bir shahar - Doxada jamlangani muammo ko'lamini yana-da oshirib yuboradi.
Bu masala hatto biroz kulgili ko'rinish olgan. Sababi, Qatar chempionatida ishtirok etadigan hamma jamoalar poytaxtning o'zida jamlanishgan. Yulduzlar ligasi o'yinlari bitta shaharda o'tkaziladi. Bu erda mehmon bo'lib boshqa shaharga borish shart emas. Jahon chempionati o'yinlari shunday sharoitda o'tishini tasavvur qila olasizmi? Axir odam ko'pligidan ko'chalarda mashinalar tugul, odamlar ham tiqilib qolishi hech gap emas-ku!
Aynan shu sababga ko'ra ham mundial mezbonligi Qatarga berilganda ko'plab noroziliklar yuzaga kelgan edi. Ammo «pul bo'lsa, changalda sho'rva», deydilar. Qatarliklar buning ham yo'lini topganlar. Ular mundial uchun allaqachon butun boshli yangi shahar qurishni boshlab yuborganlar. Rejaga ko'ra, Lusail deb ataladigan ushbu shaharda JCh-2022ning nafaqat ochilish, balki final o'yini ham o'tkazilishi lozim. Bu nomni eslab qoling, zero 2022 yilda uni ko'p bora eshitishimizga to'g'ri keladi...
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
590