"Manchester Yunayted" bosh murabbiyi Lui van Gal "Sautgempton"dan uchralgan 0:1 hisobidagi mag'lubiyat haqida fikrlarini bildirib o'tdi.
"Bu o'yinda raqib faqat standart vaziyatdan gol ura oladigandek taassurot qoldi. Bizning himoyamiz standart vaziyatlarda yaxshi o'ynay olmadi, chunki men Fellaynini zaxiraga olgandim va Darmianni ham almashtirishga to'g'ri keldi. Har bir zaxira himoyamizni zaiflashtirib bordi.
Muxlislar bizga xushtak chalishdi? Ular haq, buni inkor eta olmayman. O'yinni men ham ko'rdim. Ammo biz yagona maqsad yo'lida birlashishimiz lozim. Biz shodlikda ham, g'amda ham birga bo'lishimiz shart. Biz astoydil ishlamoqdamiz, ammo jarohat olganlar juda ko'p va buni to'g'rilash mumkin emas", - deydi van Gal.
— deya xabar beradi uff.uz nashri.