Portugaliyalik murabbiy Joze Mourino "Manchester Yunayted"ni boshqarishni istamoqda. Murabbiy mankunianliklar rahbariyatida o'ziga qarshi bo'lgan odamlar borligini yaxshi biladi, shu sababli nima sababdan o'zini taklif etishlari shartligini asoslab, klubga xat yo'lladi.
Mourinoning maktubi 6 sahifadan iborat bo'lgan. Unda aytilishicha, 52 yoshli murabbiy "MYu"da ishlash uchun ulkan ishtiyoqqa ega bo'lib, klub printsiplariga amal qilishga tayyorligini bildirgan. Shu bilan birga Mourino "Manchester Yunayted"ga ish rejasini ham taqdim etgan.
Eslatib o'tamiz, Mourino iste'foga chiqarilgani hamono murabbiyning agentlari "MYu" bilan aloqaga chiqqani aytilgan edi. Ammo klub rahbariyatidagi ba'zi yuqori ta'sirga ega insonlar hamon Mourinoga qarshi va uning janjalga moyilligi hamda himoyaviy o'yini "Manchester Yunayted"ga mos kelmasligini aytmoqdalar.
Aynan shu sababga ko'ra Mourino "MYu"ga xat yo'llagan va barcha jihatlarni ochib berishga harakat qilgan.
— deya xabar beradi uff.uz nashri.