24 yanvar kuni Farg'onaning “Neftchi” klubi nazorat bahsida “Olmaliq”qa qarshi raqobat olib bordi. Uchrashuv olmaliqlik futbolchilarning 1:0 hisobidagi g'alabasi bilan yakunlandi. Zahiradan kurashga qo'shilgan Nikita Pavlenko o'yindagi yagona golga mualliflik qildi hamda ushbu to'p “Olmaliq” jamoasiga g'alaba keltirdi. Andrey Fyodorov mazkur o'yinda Mansur Saidov, Baxtiyor Yoqubov, jarohatidan endi tiklanayotgan Jahongir Mehmonov va Abdumavlon Abdujalilovlarni qaydnomaga kiritmadi. Ular bahsdan so'ng alohida guruh bo'lib shug'ullanishdi. “Olmaliq” jamoasiga qarshi o'yin teng kurashlar ostida o'tdi. Birinchi bo'limda bellashuv asosan maydon markazida kechganini aytish mumkin. Navbatdagi bo'limda nisbatan hujumlar soni oshdi. Xususan jamoamiz vakili Sherzod Hakimovda ham gol kiritish uchun bir qator qulay vaziyatlar yuzaga keldi. Ikkinchi bo'limda “Olmaliq” zahirasidan kurashga qo'shilgan futbolchilar o'yinni kuchaytirishdi. Umuman uchrashuv davomida xar ikki jamoada ham gol kiritish uchun qulay vaziyatlar bo'ldi. Faqatgina Nikita Pavlenko ikkinchi bo'limdagi mana shunday vaziyatlardan birida raqib darvozasini ishg'ol etishga muvaffaq bo'ldi. “Olmaliq” - “Neftchi” 1:0 Gol: Nikita Pavlenko. “Olmaliq”: Mixail Naumov, Evgen Gogol, Darko Stanoevich, Azamat Isroilov, Ibroxim Rahimov, Doston Abdurahmonov, Arslon Amanov, Doston Toshmatov, Sirojiddin Mahmudov, Murod Rajabov, Islom Isoqjonov. Zahiradan o'yinga qo'shilganlar: Umid Xonimqulov, Aziz Suyunov, Abduqahhor Hojiakbarov, Islom Inomov, Raxmat Berdimurodov, Diyor Turopov, Zoir Pirimov. Nikita Pavlenko, Muhammad Isaev, Ro'zimboy Ahmedov, Farxod Tojiev. “Neftchi”: Sergey Smorodin, Xusniddin G'ofurov, Shukur Po'latov, Alisher Samatov, Ilxom Boydedaev, Muxsin Ubaydullaev, Umid Qodirov, Sardor Eminov, Jamshid Xoshimov, Otabek Isroilov, Sherzod Hakimov. Zahiradan o'yinga qo'shilganlar: O'tkir Yusupov, Sardor Qulmatov, Dilyor Irmatov, Abbos Maxstaliev, Murod Bobojonov, Bobur Farxodov. Eslatib o'tamiz, navbatdagi nazorat bahsi 27 yanvar kuni Jizzaxning “So'g'diyona” jamoasiga qarshi bo'lib o'tadi. "Neftchi" PFK matbuot xizmati
— deya xabar beradi uff.uz nashri.