O'zbekiston olimpiya terma jamoasi omadsizligidan so'ng ushbu termada to'p surgan futbolchilardan intervyularni qilishni boshlab yubordik. Xususan terma jamoaga "Neftchi"dan taklif qilingan himoyachi Doston Tursunov o'z fikrlari bilan o'rtoqlashdi.
- Bilasizmi, Osiyo Chempionatida o'yinimiz chiqmadi. Birinchi o'yinda salgina omad etishmasligi pand berdi. Shuningdek, hakamlarning tushunarsiz qarorlari ham mag'lubiyatimizga sabab bo'ldi. Qolaversa, hayojon sezilib qoldi. Iroqga qarshi kechgan uchrashuvda esa omadimiz kelmadi. Raqib bizdan ustulik qildi. Yaman ustidan g'alaba qozonmasak bo'lmasdi. Chunki oxirgi ikkita bahsdagi mag'lubiyatdan keyin g'alaba bizga zarur edi. Xullas, olimpiya termasining omadsizligiga o'z darajamizda to'p surmaganimiz sabab bo'ldi, - deydi Tursunov UFF.uz internet portaliga bergan intervyusida.
— deya xabar beradi uff.uz nashri.