“Lester Siti” hamda Jazoir terma jamoasi yarim himoyachisi Riyad Marez o'z mamlakatida 2015 yilning “eng yaxshi futbolchisi” nomiga loyiq deb topildi.
Ovoz berish jarayonida jazoirlik futbolchi va jurnalistlar ishtirok etishdi. 24 yoshli yarim himoyachi jami 29,5% bilan birinchi o'rinni egalladi. Ikkinchi o'ringa “Portu” hujumchisi Yasin Braimi (28,8%) loyiq deb topildi. Kuchli uchlikdan “Sporting” forvardi Islam Slimani (17,3%) joy oldi.
“Napoli” a'zosi Fauzi G'ulom (11,5%) hamda “Valensiya” xavbeki Sofian Feguli (6,5%) mos ravishda to'rtinchi va beshinchi o'rinlarni egallashdi.
Eslatib o'tamiz, Riyad Marez Angliya chempionati doirasida 22 o'yinda maydonga tushib, 13 ta gol va 7 ta golli uzatmaga mualliflik qildi.
— deya xabar beradi uff.uz nashri.