Kuba poytaxti Gavana shahrida dzyudo kurashi bo'yicha Gran-Pri turkumiga kiruvchi yirik xalqaro turnir nihoyasiga etdi.
Dunyoning etmishga yaqin davlati vakillari ishtirokida o'tgan mazkur musobaqada joriy yilning 5-21 avgust kunlari Rio-de-Janeyro shahri (Braziliya)da o'tkaziladigan XXXI yozgi Olimpiada o'yinlarining yo'llanmalari uchun reyting ochkolar ham o'ynaldi.
Gran-Pri turnirida uchta oltin va bitta bronza medaliga sazovor bo'lgan Rossiya terma jamoasi umumjamoa hisobida birinchi, 2 ta oltin, 1 ta kumush va 2 ta bronza medalini qo'lga kiritgan Kuba vakillari ikkinchi, 2 ta oltin va 1 ta kumush medal egasi bo'lgan isroillik dzyudo ustalari uchinchi o'rinni egallashdi.
O'zbekiston terma jamoasining ikki nafar a'zosi Sharofiddin Lutfullaev (-60 kg) va Gulnoza Matniyozova (-70 kg) o'z vazn toifalarida beshinchi o'rinni egallashdi va terma jamoamiz yakunda umumjamoa hisobida 25 o'rinni band etishdi.
Eslatib o'tamiz, mazkur Gran-Pri turnirida jami 11 nafar yurtdoshimiz ishtirok etdi. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.