"Manchester Yunayted" jamoasi bosh murabbiyi Lui van Galning iste'foga chiqishi tobora oydinlashib bormoqda. Angliya chempionatining 23-turida "Old Trafford" stadionida "Sautgempton"dan uchralgan mag'lubiyatdan so'ng Lui van Gal muxlislar kutayotgan natijani qayd eta olmagani uchun uzr so'radi.
"Men muxlislar kutayotgan natijani qayd eta olmaganimdan afsusdaman. Muxlislar mendan ko'prog'ini kutishdi, ammo, buning uddasidan chiqa olmadim. Shu sababli ulardan uzr so'rayman", - deydi gollandiyalik mutaxassis.
Ta'kidlash kerakki, Lui van Galning "qizil iblislar" bilan amaldagi shartnomasi 2017 yil yoziga qadar mo'ljallangan. Klub rahbariyati van Galga katta miqdordagi tovon puli to'lamaslik uchun uning o'z xohishi bilan iste'foga chiqishini kutmoqda.
Eslatib o'tamiz, "Manchester Yunayted" 23-turdan so'ng 37 ochko bilan turnir jadvalining 5-pog'onasini band qilib turibdi.
Manba: Mirror Sport gazetasi
— deya xabar beradi uff.uz nashri.