Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Futbolda og'ir vazn - muammo emasmi? (InterFUTBOL blogi)
Futbolda chaqqonlik va aqliy salohiyat eng muhim omillardan sanalsa, vaznning og'irligi ham alohida ahamiyatga ega. Zero, yakkakurashlarda bunday ustunlik juda asqotadi. Championat.com shunday jihatni o'zida mujassamlashtirgan futbolchilarning nomiga e'tibor qaratadi. Quyida ushbu o'ziga xos reyting bilan tanishishingiz mumkin.
10. Zlatan IBRAGIMOVICh, 91 kg.
Shvetsiyalik hujumchini ko'pchilik takabbur futbolchi sifatida taniydi, ammo uning og'ir vaznlilardan biri ekanini hamma ham bilavermasa kerak. Hoynahoy, Ibragimovichning eng og'ir yuki uning manmanligi ekanini aytishadi. Ammo 90 kilogrammdan ortiqroq vazn Zlatanning jahon miqyosidagi yulduzga aylanishiga to'sqinlik qilolmadi. Uni «Yuventus», «Inter», «Barselona», «Milan» muxlislari yaxshi ko'rishardi. Endi esa «PSJ» ishqibozlarining yoqimtoyiga aylangan. 34 yoshli forvardda hamon 90ga yaqin turli takliflarni ko'rib chiqish imkoniyati mavjud. Bir paytlari Mino Rayola shunday degandi: «Ibragimovich «PSJ»da juda katta og'irlikka egaligi tufayli Parijni tark etolmaydi». Xo'sh, futbolchining agenti bu bilan nima demoqchi bo'lgan?
9. Tibo KURTUA, 91 kg.
«Chelsi»ning belgiyalik posboni zamonaviy futbolning eng bo'ydor va og'ir vaznli darvozabonlaridan biri sanaladi. Shunga qaramay, Kurtua ko'rinishidan semiz emas. Aksincha, Tibo o'z jussasi bilan unga to'qnash keladigan har qaysi hujumchini esankiratib qo'yishi tabiiy. Jismoniy imkoniyatlari, qo'shimchasiga iqtidori va mehnati evaziga belgiyalik kiper yosh bo'lishiga qaramay, «Atletiko»dagi o'yinlari orqali haqiqiy yulduzga aylandi. Keyinchalik esa «Chelsi» Petr Chexni «qurbon qilish» evaziga Kurtuani ortga qaytarishni ma'qul ko'rdi.
8. Romelu LUKAKU, 94 kg.
Belgiyada baquvvat yigitlarni tarbiyalashni yaxshi bilishadi! 190 santimetrli bo'yga ega Lukakuning vazni milliy termadagi jamoadoshi Kurtuanikidan ham og'irroq. Romeluning faoliyati muvaffaqiyatli boshlandi, «Chelsi»ga o'tganidan so'ng uni ko'pchilik Dide Drogbaning vorisi sifatida ko'rishdi. Biroq ushbu futbolchi londonliklarning ishonchini oqlay bilmadi. Oqibatda mahoratli hujumchi saviya jihatidan biroz pastroq sanaluvchi «Everton»ga ketishga majbur bo'ldi. Shunga qaramay, hozirda Lukaku Angliya premer-ligasi to'purarlari ro'yxatida Jeymi Vardi bilan birgalikda peshqadamlik qilmoqda.
7. Richard DANN, 95 kg.
Irlandiyalik himoyachi ma'lum muddat «KPR» safida o'ynadi, ammo 2015 yilning oxirlarida klubni tark etgan 36 yoshli Dann futbolchilik faoliyatini yakunlashga qaror qildi. Richard hozirga qadar «Manchester Siti» libosida 300ga yaqin o'yinda maydonga tushgan, milliy terma jamoa sharafini esa 80ta bahsda himoya qilgan. Albatta, faxriyning eng yaxshi damlari ortda qoldi, shunga qaramay, u «jiddiy yigitlar» reytingining etakchilari qatorida. Balki qoya-odam - Dann futboli unchalik rivojlanmagan mamlakatdan moliyaviy jihatdan qulayroq taklif olar, shu tariqa ishtahasini butunlay to'ydirish imkoniyati tug'iladi.
6. Denni ShITTU, 95 kg.
Nigeriya termasi sobiq himoyachisining holati xuddi Dannikiga o'xshash. 35 yoshli Shittu o'tgan yili «Milluoll»ni tark etgach, klubsiz qoldi. Darvoqe, u ham faoliyatining asosiy qismini «KPR» safida o'tkazgan, boz ustiga, «Blekpul», «Uotford» va «Bolton» jamoalarining himoya qo'rg'onining o'tib bo'lmas devorlaridan biriga aylangan. Agar Denni sal chapdastroq bo'lib, katta futbol intellektini o'zlashtira olganida, 95 kilogrammlik vazni bilan ham muvaffaqiyatli faoliyat o'tkazishi aniq edi. Xullas, britaniyalik ishqibozlar uni faqat nomi orqali eslab qolishmagan.
5. Jorj ELOKOBI, 95 kg.
Demak, futbolda bo'yi 180 santimetrli o'yinchilar ham 95 kilogramm vaznga ega bo'lib, ajoyib tarzda to'p surishlari mumkin ekan. Angliyaning «Kolchester» klubi himoyachisi Elokobi - fikrimizga yaqqol dalil. 29 yoshli kamerunlik futbolchi faoliyati davomida «Vulverxempton», «Nottingem Forest» hamda «Oldxem» kabi klublar sharafini himoya qilgan. Elokobining mushaklariga nazar solsangiz, go'yoki asosiy vaqtini futbol maydonida emas, balki trenajyorlar zalida o'tkazadigandek tasavvur uyg'otadi. Jorjning to'pni olib qo'yish maqsadida tashlanishi nafaqat raqib, balki uning harakatlarini kuzatayotgan barchani beixtiyor cho'chitadi.
4. Kostel PANTILIMON, 96 kg.
Ruminiyalik darvozabon - ushbu reytingdagi eng daroz futbolchi. «Sanderlend»ning 27 yoshli posboni 203 santimetr bo'yga ega. Umuman, Pantilimonning shunday holatda 96 kilogramm vazn to'plaganini ham to'g'ri tushunish mumkin. Kostel «Timishoare»da nom qozondi, u erdan «Machester Siti» safiga qo'shildi-yu asosiy vaqtini zaxira vakili sifatida o'tkazdi. 2014 yildan buyon u «qora mushuklar» sharafini himoya qilmoqda. Devlarga xos kelbati albatta, Pantilimonning darvozani qo'riqlashida asqotadi: uning APLdagi zarbalarni bartaraf etish bo'yicha statistikasi ham yomon ko'rinish olmagan.
3. Nikola JIGICh, 97 kg.
35 yoshli serb novcha hujumchilar sirasidan. 97 kilogramm vaznga ega bo'lishiga qaramay, Jigich binoyidek o'ynay oladi. Nikolaning bo'yiga har qaysi darvozabon havas qilsa arziydi - 202 santimetr! Jigich 2015 yili «Birmingem»dan ketgach, klubsiz qoldi, uning kelajagi haqida hozircha tayinli ma'lumot yo'q. Umuman, gigant merganning faoliyati muvaffaqiyatli kechdi. U «Tsrvena Zvezda», «Rasing», «Valensiya» klublarida o'ynadi. Serbiya termasi libosida 57ta o'yinda 20ta gol urdi va o'z vatanida yilning eng yaxshi o'yinchisi sifatida e'tirof etildi.
Davomi InterFUTBOL gazetasi blogida.
— deya xabar beradi uff.uz nashri.
10. Zlatan IBRAGIMOVICh, 91 kg.
Shvetsiyalik hujumchini ko'pchilik takabbur futbolchi sifatida taniydi, ammo uning og'ir vaznlilardan biri ekanini hamma ham bilavermasa kerak. Hoynahoy, Ibragimovichning eng og'ir yuki uning manmanligi ekanini aytishadi. Ammo 90 kilogrammdan ortiqroq vazn Zlatanning jahon miqyosidagi yulduzga aylanishiga to'sqinlik qilolmadi. Uni «Yuventus», «Inter», «Barselona», «Milan» muxlislari yaxshi ko'rishardi. Endi esa «PSJ» ishqibozlarining yoqimtoyiga aylangan. 34 yoshli forvardda hamon 90ga yaqin turli takliflarni ko'rib chiqish imkoniyati mavjud. Bir paytlari Mino Rayola shunday degandi: «Ibragimovich «PSJ»da juda katta og'irlikka egaligi tufayli Parijni tark etolmaydi». Xo'sh, futbolchining agenti bu bilan nima demoqchi bo'lgan?
9. Tibo KURTUA, 91 kg.
«Chelsi»ning belgiyalik posboni zamonaviy futbolning eng bo'ydor va og'ir vaznli darvozabonlaridan biri sanaladi. Shunga qaramay, Kurtua ko'rinishidan semiz emas. Aksincha, Tibo o'z jussasi bilan unga to'qnash keladigan har qaysi hujumchini esankiratib qo'yishi tabiiy. Jismoniy imkoniyatlari, qo'shimchasiga iqtidori va mehnati evaziga belgiyalik kiper yosh bo'lishiga qaramay, «Atletiko»dagi o'yinlari orqali haqiqiy yulduzga aylandi. Keyinchalik esa «Chelsi» Petr Chexni «qurbon qilish» evaziga Kurtuani ortga qaytarishni ma'qul ko'rdi.
8. Romelu LUKAKU, 94 kg.
Belgiyada baquvvat yigitlarni tarbiyalashni yaxshi bilishadi! 190 santimetrli bo'yga ega Lukakuning vazni milliy termadagi jamoadoshi Kurtuanikidan ham og'irroq. Romeluning faoliyati muvaffaqiyatli boshlandi, «Chelsi»ga o'tganidan so'ng uni ko'pchilik Dide Drogbaning vorisi sifatida ko'rishdi. Biroq ushbu futbolchi londonliklarning ishonchini oqlay bilmadi. Oqibatda mahoratli hujumchi saviya jihatidan biroz pastroq sanaluvchi «Everton»ga ketishga majbur bo'ldi. Shunga qaramay, hozirda Lukaku Angliya premer-ligasi to'purarlari ro'yxatida Jeymi Vardi bilan birgalikda peshqadamlik qilmoqda.
7. Richard DANN, 95 kg.
Irlandiyalik himoyachi ma'lum muddat «KPR» safida o'ynadi, ammo 2015 yilning oxirlarida klubni tark etgan 36 yoshli Dann futbolchilik faoliyatini yakunlashga qaror qildi. Richard hozirga qadar «Manchester Siti» libosida 300ga yaqin o'yinda maydonga tushgan, milliy terma jamoa sharafini esa 80ta bahsda himoya qilgan. Albatta, faxriyning eng yaxshi damlari ortda qoldi, shunga qaramay, u «jiddiy yigitlar» reytingining etakchilari qatorida. Balki qoya-odam - Dann futboli unchalik rivojlanmagan mamlakatdan moliyaviy jihatdan qulayroq taklif olar, shu tariqa ishtahasini butunlay to'ydirish imkoniyati tug'iladi.
6. Denni ShITTU, 95 kg.
Nigeriya termasi sobiq himoyachisining holati xuddi Dannikiga o'xshash. 35 yoshli Shittu o'tgan yili «Milluoll»ni tark etgach, klubsiz qoldi. Darvoqe, u ham faoliyatining asosiy qismini «KPR» safida o'tkazgan, boz ustiga, «Blekpul», «Uotford» va «Bolton» jamoalarining himoya qo'rg'onining o'tib bo'lmas devorlaridan biriga aylangan. Agar Denni sal chapdastroq bo'lib, katta futbol intellektini o'zlashtira olganida, 95 kilogrammlik vazni bilan ham muvaffaqiyatli faoliyat o'tkazishi aniq edi. Xullas, britaniyalik ishqibozlar uni faqat nomi orqali eslab qolishmagan.
5. Jorj ELOKOBI, 95 kg.
Demak, futbolda bo'yi 180 santimetrli o'yinchilar ham 95 kilogramm vaznga ega bo'lib, ajoyib tarzda to'p surishlari mumkin ekan. Angliyaning «Kolchester» klubi himoyachisi Elokobi - fikrimizga yaqqol dalil. 29 yoshli kamerunlik futbolchi faoliyati davomida «Vulverxempton», «Nottingem Forest» hamda «Oldxem» kabi klublar sharafini himoya qilgan. Elokobining mushaklariga nazar solsangiz, go'yoki asosiy vaqtini futbol maydonida emas, balki trenajyorlar zalida o'tkazadigandek tasavvur uyg'otadi. Jorjning to'pni olib qo'yish maqsadida tashlanishi nafaqat raqib, balki uning harakatlarini kuzatayotgan barchani beixtiyor cho'chitadi.
4. Kostel PANTILIMON, 96 kg.
Ruminiyalik darvozabon - ushbu reytingdagi eng daroz futbolchi. «Sanderlend»ning 27 yoshli posboni 203 santimetr bo'yga ega. Umuman, Pantilimonning shunday holatda 96 kilogramm vazn to'plaganini ham to'g'ri tushunish mumkin. Kostel «Timishoare»da nom qozondi, u erdan «Machester Siti» safiga qo'shildi-yu asosiy vaqtini zaxira vakili sifatida o'tkazdi. 2014 yildan buyon u «qora mushuklar» sharafini himoya qilmoqda. Devlarga xos kelbati albatta, Pantilimonning darvozani qo'riqlashida asqotadi: uning APLdagi zarbalarni bartaraf etish bo'yicha statistikasi ham yomon ko'rinish olmagan.
3. Nikola JIGICh, 97 kg.
35 yoshli serb novcha hujumchilar sirasidan. 97 kilogramm vaznga ega bo'lishiga qaramay, Jigich binoyidek o'ynay oladi. Nikolaning bo'yiga har qaysi darvozabon havas qilsa arziydi - 202 santimetr! Jigich 2015 yili «Birmingem»dan ketgach, klubsiz qoldi, uning kelajagi haqida hozircha tayinli ma'lumot yo'q. Umuman, gigant merganning faoliyati muvaffaqiyatli kechdi. U «Tsrvena Zvezda», «Rasing», «Valensiya» klublarida o'ynadi. Serbiya termasi libosida 57ta o'yinda 20ta gol urdi va o'z vatanida yilning eng yaxshi o'yinchisi sifatida e'tirof etildi.
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
538