«Barselona» va Neymar yangi shartnoma borasidagi muzokaralarni o'zaro kelishuvga ko'ra to'xtatdi. Eslatib o'tamiz, yangi shartnoma 2018 yilga qadar davom etishi rejalashtirilayotgandi.
Xabar qilinishicha, kataloniyaliklar 23 yoshli futbolchining moliyaviy talablarini bajarmoqchi emas. Sentyabr oyida Ispaniya chempionatida ishtirok etuvchi jamoalar uchun maosh borasida cheklov o'rnatilgan edi. Neymar esa «Barselona»dan katta miqdorda mablag' talab qilmoqda.
Neymar va uning agentlari o'z navbatida 2016 yilda bo'lib o'tadigan Olimpiada bahslari va Amerika Kubogidagi omadli ishtirokka umid qilmoqdalar. Shuningdek "Oltin to'p"ga da'vogarlar ro'yxatiga kirish orqali ham Neymarga xaridorlar ko'payishi kutilmoqda.
Eslatib o'tamiz, biroz vaqt muqaddam "MYu" Neymarni sotib olish istagini bildirgani xabar qilingandi.
— deya xabar beradi uff.uz nashri.